జగిత్యాల నియోజకవర్గం లో విచ్చుకోనున్న కమలం?

జగిత్యాల గడ్డపై బిజెపి జెండా ?

(సిరిసిల్ల. రాజా విక్రాంత్ శర్మ. 
9963349393)

ప్రస్తుత రాష్ట్ర రాజకీయాలలో కదులుతున్న ఆసక్తికర పరిణామాల్లో భాగంగా జగిత్యాల కు ఉప ఎన్నిక అనివార్యం అయితే గెలుపు బిజెపి దేనా ?

తెలంగాణా లో పార్టీ ఫిరాయింపు చేసిన ఎమ్మెల్యే ల పై అనర్హత వేటు పిటిషన్ సుప్రీం కోర్టు లో ఎలాంటి తీర్పు తీసుకోబోతుంది అనే అంశం ఎంతో ఆసక్తిని రేకెత్తిస్తుంది. 
ఈ పరిణామం నాటి ఉమ్మడి రాష్ట్రం నుండి 2014 లో ఏర్పడిన నూతన తెలంగాణ రాష్ట్రంలో జరిగిన రాజకీయ పరిణామాల్లో ఇప్పటివరకు పూర్తిగా కొత్త రకమైన చారిత్రకం కానుంది. 
అందులో భాగంగా జగిత్యాల నియోజకవర్గానికి కూడా ఉప ఎన్నిక అనివార్యం. ప్రస్తుత ఉపాద్యాయ,పట్టభద్రుల ఎమ్మెల్సీ ఎన్నికల ప్రచారం జోరుగా సాగుతోంది.

వాటి ఫలితాలు ఎలా ఉన్నప్పటికినీ, కాషాయ దళం కు జగిత్యాల జిల్లా పరంగా మరీ ముఖ్యంగా నియోజక వర్గం పరంగా ప్రజల్లో బిజెపి పార్టీ వైపు ఓటు బ్యాంక్ పెరగడంలో ఎంతో కసరత్తు జరుగుతుంది అనేది బిజెపి శ్రేణుల ఆసక్తితో కూడిన విశ్వాసం. 
2018 సార్వత్రిక ఎన్నికల్లో నియోజకవర్గ స్థాయిలో బిజెపి పార్టీకి 3.02% ఓట్లు నమోదు ఐతే 2023 ఎన్నికల్లో గణనీయంగా 23.89% ఓటు పోలింగ్ శాతం పెరగడం కేవలం బిజెపి శ్రేణుల కష్టం, నిబద్ధతకు ఒక సాధారణ ఉదాహరణగా అలాగే 
బిజెపి పార్టీ కి వేసే మీ ప్రతీ ఒక ఓటు రేపటి తరాల భవిష్యత్తుకు ఆరోగ్యకరమైన, అభివృద్ధితో కూడిన పరిపాలన పెట్టుబడిగా ఉండబోతుంది అని స్థానిక బిజెపి నేతలు ప్రజలకు వివరించడంలో సఫలీకృతం అవుతున్నారు అని బిజెపి పార్టీ పెద్దలు పేర్కొన్నారు. 

ప్రజా క్షేత్రం లో రోజూ ఉంటూ అటు వ్యక్తి ఉనికి అలాగే పార్టీ ఉనికి నీ కాపాడుతూ నేటి రాజకీయ రణక్షేత్రంలో నెగ్గుకు రావడం అందుకు కలిసొచ్చే అంశాలను ఒడిసి పట్టి నెగ్గుకురావడం అసలు సిసలైన పరీక్షే, ఎంఎల్.సి ఎన్నికల ప్రచారంలో కాలికి బలపం కట్టుకొన్న చందంగా నియోజకవర్గ స్థాయిలో నియోజకవర్గ బిజెపి నేతలు సఫలీకృతులు అవుతున్నారు అని, ప్రస్తుత రాష్ట్ర రాజకీయాల పరిణామాల్లో భాగంగా ఉప ఎన్నికే అనివార్యం అయితే నేటి ఎమ్మెల్సీ సీటు తో పాటు ఎంఎల్ఏ సీటు కూడా భాజాపా పార్టీ దే అనడంలో అతిశయోక్తి లేదు అని పలు సంఘాల నాయకులు వారి పరిశీలనగా పేర్కొంటున్నారు. 
బిజెపి పార్టీ కి నియోజకవర్గం తో పేరు బంధం, పార్టీ బంధమే కాదు నిజమైన పేగు బంధం గానే ఉంటుంది, అలాగే ప్రస్తుతం ప్రతిపక్షంలో ఉన్నప్పటికీ ఎప్పటికైనా ప్రజా పక్షమే బిజెపి పార్టీ అని ప్రజల్లో పెరిగిన విశ్వసనీయతలు పార్టీని నియోజకవర్గ స్థాయిలో ఆదరించడానికి అసలైన కారణం అంటూ పార్టీ ముఖ్య నేత ఒకరు వారి నిబద్ధతను, నిష్ట ను పేర్కొన్నారు.  
తాజాగా రాష్ట్రంలో బీసీ వర్గీకరణ, సామాజిక రాజకీయ సీట్ల ప్రాధాన్యత, అసమాన హక్కుల తాలూకా రాజకీయ పోరాటంలో జగిత్యాల రాజకీయ అడ్డ, బీసీ బిడ్డే అనే నినాదాన్ని జోరుగా వినిపిస్తూ బిజెపి అనుకూలిత బీసీ సంఘాలు జగిత్యాల బీసీ డిక్లరేషన్ గా గర్జిస్తున్నాయి. 
చట్ట సభల్లో మహిళలకు 33% రిజర్వేషన్ బిల్లు కేంద్రంలో నేడో రేపో అమలు జరిగేలా ఉండడంతో జగిత్యాల నియోజకవర్గం కు మహిళా రిజర్వేషన్ వచ్చేలా ఉండొచ్చు అలా అయితే క్రమంగా ఇప్పటికే బలపడుతున్న బిజెపి మహిళా అభ్యర్థి ఎంఎల్ఏ అభ్యర్థిగా శాశ్వతంగా జగిత్యాల శిలాఫలకాలపై చెక్కబడి నాటి ఝాన్సి లక్ష్మీ బాయి లాంటి సుభిక్షమైన పాలన నియోజకవర్గ స్థాయిలో ప్రజలకు అందుబాటులో రానున్నది అంటూ బిజెపి బూతు స్థాయి నేతలు అమితమైన విశ్వాసమును తెలియజేస్తున్నారు.