కాళేశ్వరం కమిషన్ నోటీసులు కాదు, కాంగ్రెస్ రాజకీయ కమీషన్ నోటీసులు - దావ వసంత సురేష్, జగిత్యాల జిల్లా తొలి ప్రజా పరిషత్ ఛైర్పర్సన్.

(సిరిసిల్ల. రాజా విక్రాంత్ శర్మ - 9963349493/9348422113).

జగిత్యాల 20 మే (ప్రజా మంటలు) : 

కేసీఆర్‌ కు రాజ‌కీయ దురుద్దేశంతో, కుట్రపూరితంగా రేవంత్ రెడ్డి ప్ర‌భుత్వం ఏర్పాటు చేసిన కాళేశ్వ‌రం క‌మిష‌న్ నోటీసులు ఇవ్వ‌డాన్ని తీవ్రంగా ఖండించిన జిల్లా మాజీ జడ్పీ చైర్పర్సన్ దావ వసంత సురేష్.

వారు ఈ సందర్భంగా మాట్లాడుతూ... 

• చావునోట్లో తలపెట్టి రాష్ట్రాన్ని సాధించి,రాష్ట్రాన్ని దేశంలో అగ్రభాగాన నిలిపిన తెలంగాణ తొలి ముఖ్యమంత్రి కేసీఆర్ కు కాళేశ్వరం కమిషన్ నోటీసులను కాంగ్రెస్ రాజకీయ కమిషన్ నోటీసులుగానే పరిగణిస్తున్నామని అన్నారు.
• కాళేశ్వరం ప్రజా ప్ర‌యోజ‌నాల‌ కోసం నిర్మించిన‌ బృహత్ ప్రాజెక్టు.
• తెలంగాణ ప్రజల తరతరాల దాహార్తిని తీర్చడానికి, తెలంగాణ పొలాల్లోకి గోదావరి నీళ్లను గళగళా తరలించడానికి కట్టిన ప్రాజెక్టు.
• తాను కలలు గన్న తెలంగాణను కోటి ఎకరాల మాగాణంగా తీర్చిదిద్దడానికి కేసీఆర్‌ గారు కట్టిన ప్రాజెక్టే కాళేశ్వరం.
• కాలేశ్వరం ప్రాజెక్టు వల్ల తెలంగాణ రాష్ట్రం దేశానికే అన్నం పెడుతుందని అన్నారు.
• రాజకీయ కక్షతో, కుట్రతో నోటీసులు పంపించారు.
• ప్రపంచంలోనే అతిపెద్ద లిఫ్ట్ ఇరిగేషన్ కాలేశ్వరం ప్రాజెక్టు అని అన్నారు. 

పరిపాలన చేత కాక కేసీఆర్ పై ఆరోపణలు చేస్తున్నారని అన్నారు త్వరలోనే కాలం అన్నిటికి సమాధానం చెబుతుందని అన్నారు.