ఘనంగా అంబేడ్కర్ 134 జయంతి ఉత్సవాలు

పలువురుకి దళిత రత్న అవార్డుల ప్రధానం

సికింద్రాబాద్ మే 19 (ప్రజామంటలు):

2025 డాక్టర్ బాబు జగ్జీవన్ రామ్ డాక్టర్ బి.ఆర్ అంబేద్కర్ మహనీయుల 134 వ జయంతి ఉత్సవాలను రాష్ట్ర మహనీయుల జయంతి ఉత్సవాల కమిటీ చైర్మన్ ఇటుక రాజు మాదిగ ఆధ్వర్యంలో సోమవారం కంటోన్మెంట్ బాలం రాయి లోని  క్లాసిక్ గార్డెన్ ఫంక్షన్ లో ఘనంగా నిర్వహించారు. సనత్ నగర్ నియోజకవర్గం మాదిగ హక్కుల పార్టీల సంఘాల ఐక్యత జేఏసీ సారథ్యంలో ఎంపిక చేసిన వారికి చైర్మన్ ఇటుక రాజు చేతుల మీదుగా దళిత రత్న అవార్డులను ప్రధానం చేశారు.

ఈ సందర్భంగా చైర్మన్ ఇటుక రాజు మాట్లాడుతూ... నిస్వార్ధంగా సమాజానికి తమ బాధ్యతగా దళిత జాతికి సేవలందిస్తున్న వారికి ఈ దళిత రత్న అవార్డు ప్రధానంతో సమాజం పట్ల మెరుగైన సేవలు అందించడంలో ఇంకా బాధ్యత పెరుగుతుందని ఆయన అన్నారు అవార్డు అందుకున్న వారిలో మాజీ కార్పొరేటర్ సీనియర్ నాయకుడు ఏసూరి మహేష్, ఎం. రాంబాబు, రేవుల శంకర్, ఆడవెల్లి కుమార్, పల్లె సుధాకర్, పూజారి స్వామి, ఈ. నర్సింగ్ రావు, సుంకపాక రాజు , రిటైర్డ్ సిఆర్పిఎఫ్ జవాన్  బొడ్డు పరుశురాం, సుంచు యాదగిరి, కుమ్మరి రాజు, రాసళ్ళ సెల్వరాజ్, జే. నర్సింగ్ రావు (ఫోటోగ్రాఫర్), కారంగుల నరేష్  (ఆర్.టి.ఐ), ఎర్ర బాబురావు, కే. నిరంజన్, పి. మోహన్ కృష్ణ లను ఘనంగా సన్మానించి అవార్డులను అందజేశారు.

ఈ సందర్భంగా అవార్డులు అందుకున్న వారు ఉత్సవాల చైర్మన్ ఇటుక రాజుకు, వైస్ చైర్మన్ కనకరాజుకు, మాదిగ జేఏసీ నాయకులు పుల్లూరి మహేందర్, డప్పుల వేణుగోపాల్, బొడ్డు మహేష్, కొంగరి సతీష్, కుమ్మరి శంకర్, పి. చంద్రశేఖర్ (బబ్బర్)లకు కృతజ్ఞతలు తెలిపారు.