అంబేద్కర్‌ అంటే అందరివాడని అర్థం... - అన్ని వర్గాలకు హక్కులు కల్పించిన చరిత్ర ఆయనదే - మాజీ మంత్రి కొప్పుల ఈశ్వర్‌

       (సిరిసిల్ల. రాజేంద్ర శర్మ)
మహాదేవపూర్ ఏప్రిల్ 12 (ప్రజా మంటలు)
బారత రాజ్యాంగ నిర్మాత డాక్టర్‌ బీఆర్‌ అంబేద్కర్‌ అంటేనే అందరివాడనే అర్థమని మాజీ మంత్రి కొప్పుల ఈశ్వర్‌ అన్నారు. మహదేవ్‌పూర్ మండలం సూరారం గ్రామంలో మాజీ సర్పంచ్ నాగుల సుజాత–లక్ష్మారెడ్డి ఆధ్వర్యంలో ఏర్పాటు చేసిన డాక్టర్‌ బీఆర్‌ అంబేద్కర్ విగ్రహాన్ని మంథని మాజీ ఎమ్మెల్యే పుట్ట మధూకర్‌, భూపాలపల్లి మాజీ జెడ్పీ చైర్  పర్సన్ జక్కు శ్రీ హర్షిణీ రాకేష్‌తో కలిసి ఆయన ఆవిష్కరించారు.

ఈ సందర్బంగా ఆయన మాట్లాడుతూ అంబేద్కలిస్ట్‌లంటే కేవలం ఎస్సీలు కాదని, అన్ని వర్గాలకు చెందిన వారని ఆయన అన్నారు. ఆనాడు రాజ్యాంగం రాసింది అంబేద్కర్‌ అని చెప్పిన తర్వాత కూడా ఆయనను ఒక్క సామాజికవర్గానికే అంటగట్టడం ఎంతవరకు సమంజసమని ప్రశ్నించారు. ఎన్నికల నిర్వహణ, విద్యావిధానం, మహిళలు, విద్యార్ధులు, కార్మికులకు ఏ రకమైన హక్కులుండాలని చెప్పింది అంబేద్కర్‌ అని ఆయన వివరించారు. అలాగే ఎస్సీలు, బీసీలకు రిజర్వేషన్‌లు కావాలన్నది కూడా ఆయననేనన్నారు. అయితే ఎస్సీల రిజర్వేషన్‌ల కోసం పోరాటం చేసిండని అంబేద్కర్‌ను ఎస్సీలకే పరిమితం చేయాలని చూశారని, అనేక కుట్రల ఫలితమేనని ఆయన వివరించారు.  ఇప్పటికైనా ప్రభుత్వాలు బారత రాజ్యాంగాన్ని అన్ని బాషల్లో ఒక సబ్జెక్ట్‌గా పాఠ్యాంశాల్లో చేర్చాలని ఆయన డిమాండ్‌ చేశారు.అన్ని వర్గాల కోసం పోరాడిన అంబేద్కర్‌ విగ్రహాన్ని ఏర్పాటు చేయాలనే ఆలోచన, ఆకాంక్ష ఉండటం గొప్ప విషయమన్నారు. ఏప్రిల్‌ మాసమంతా మహనీయుల మాసమని, ఈ మాసంలో ప్రతి మహనీయుడిని స్మరించుకోవాల్సిన బాధ్యత అందరిపై ఉందన్నారు. 

ప్రతి ఒక్కరు అంబేద్కర్‌ను అర్థం చేసుకోవాలి...పుట్ట మధూకర్‌, మాజీ ఎమ్మెల్యే మంథని

రాజ్యాంగం అందించమే కాకుండా ప్రపంచ మేధావిగా గుర్తింపు పొందిన డాక్టర్‌ బీఆర్‌ఎస్‌ అంబేద్కర్‌ను ప్రతి ఒక్కరు అర్థం చేసుకోవాలని, ఆయన గురించి తెలుసుకోవాలని మంథని మాజీ ఎమ్మెల్యే పుట్ట మధూకర్‌ అన్నారు. మహాదేవ్‌పూర్‌ మండలం సూరారం గ్రామంలో ఏర్పాటు చేసిన అంబేద్కర్‌ విగ్రహవిష్కరణలో మాజీ మంత్రి కొప్పుల ఈశ్వర్‌తో కలిసి ఆయన పాల్గొని మాట్లాడుతూ ఈనాడు అంబేద్కర్‌ అంటే తెలియని వాళ్లు కేవలం ఎస్సీల కోసమే ఆలోచన చేసిండ్లని అనాలోచితంగా మాట్లాడుతున్నారని అన్నారు.