జీహెచ్ఎమ్సీ ఎన్నికల్లో  గెలుపే లక్ష్యంగా నేతలు కార్యకర్తలు పని చేయాలి.

త్వరలో డివిజన్ల వారిగా పాదయాత్రలు
 *ఎంపీ అనిల్ కుమార్, ఆదం సంతోష్ వెల్లడి..

సికింద్రాబాద్ మే 22 (ప్రజామంటలు) :

రాబోవు జీహెచ్ఎమ్సీ ఎన్నికల్లో గెలుపే లక్ష్యంగా పార్టీ నేతలు, కార్యకర్తలు సమిష్టిగా పనిచేయాలని రాజ్యసభ సభ్యుడు అనిల్ కుమార్ యాదవ్, సికింద్రాబాద్ కాంగ్రెస్ ఇంచార్జీ అదం సంతోష్ కుమార్ లు పిలుపునిచ్చారు. సికింద్రాబాద్ ఇంచార్జ్ అదం సంతోష్ కుమార్ అధ్యక్షతన మెట్టుగూడా, అడ్డగుట్ట, తార్నాక డివిజన్ల ముఖ్య నాయకులు, కార్యకర్తల  విస్తృత స్థాయి సమీక్ష సమావేశం జరిగింది. ఈ సమావేశానికి రాజ్యసభ సభ్యులు అనిల్ కుమార్ యాదవ్, సీనియర్ మాజీ సర్పంచ్  సిద్ధేశ్వర్ ముఖ్య అతిథిలుగా హాజరయ్యారు. ఈ సందర్భంగా రాజ్యసభ సభ్యుడు అనిల్ కుమార్ యాదవ్ మాట్లాడుతూ ప్రభుత్వం అమలు చేస్తున్న పథకాలను  ఇంటింటికీ వెళ్లి  కాంగ్రెస్ శ్రేణులు వివరించాలని, అభివృద్ధి కార్యక్రమాలు, పథకాలపై అవగాహన కల్పించాలని, కార్యకర్తలు నిత్యం ప్రజల్లో ఉండాలని పేర్కొన్నారు.

అదం సంతోష్ మాట్లాడుతూ..ఏడాది కాలంలో  ప్రభుత్వం ఎన్నో పథకాలు అమలు చేసింది అని రాబోయే రోజుల్లో మరిన్ని పథకాలు అమలు చేస్తుందని, జీహెచ్ఎమ్సీ ఎన్నికల్లో నాయకులు కార్యకర్తలు సమన్వయంతో పని చేయాలని విజ్ఞప్తి చేశారు. జీహెచ్‌ఎంసీలో విజయమే లక్ష్యంగా పని చేయాలని, అందుకు పార్టీ కార్యకర్తలు  కీలకమని  స్పష్టం చేశాడు. డివిజన్ అధ్యక్షులు బ్రహ్మాజీ, రవి, గంటరాజు, అమర్నాథ్ గౌడ్, కిషోర్  యాదవ్, శిల్పా చారి, గుంటి కృష్ణ, రమేష్, హరి, పర్వేజ్, శేఖర్, శశాంక్, బెన్నా, నిస్సార్, బాబా, అశోక్, సిద్ధులు పాల్గొన్నారు