భారతీయ రైల్వే దేశానికి జీవనాడి..

సికింద్రాబాద్ లో రైల్వే ప్రమోటి అధికారుల సమాఖ్య సమావేశం

సికింద్రాబాద్, ఆగస్ట్ 21 (ప్రజామంటలు) :

భారతీయ రైల్వే దేశానికి జీవనాడి అని, ఇందులో ప్రమోటి అధికారులు వెన్నమూక లాంటి వారని దక్షిణ మద్య రైల్వే జనరల్ మేనేజర్ సంజీవ్ కుమార్ శ్రీవాస్తవ అన్నారు. గురువారం సికింద్రాబాద్ రైలు కళారంగ్ లో భారతీయ రైల్వే ప్రమోటి అధికారుల సమాఖ్య(ఐఆర్పీఓఎఫ్) ఎగ్జిక్యూటివ్ కమిటీ రెండు రోజుల  సమావేశం ప్రారంభమైంది.

దక్షిణ మద్య రైల్వే అతిథ్యమిచ్చిన ఈ సమావేశంలో పాల్గొన్న సౌత్ సెంట్రల్ రైల్వే జనరల్ మేనేజర్ సంజీవ్ కుమార్ శ్రీవాస్తవ మాట్లాడుతూ..విశేష అనుభవం కలిగిన ఈ కేడర్ సిబ్బంది– ఉన్నతాధికారుల మద్య వారధి పాత్ర పోషిస్తుందన్నారు. ఆవిరి యుగం నుంచి వందే భారత్ ఎక్స్ ప్రెస్ వరకు వేగంగా అభివృద్ది సాధించిన రైల్వే ఇకపై బుల్లెట్ రైళ్ళు నడిపే దిశగా అడుగులు వేస్తుందన్నారు. 

అదనపు జీఎం సత్యప్రకాశ్ మాట్లాడుతూ..ప్రమోటి అధికారులు ఎదుర్కొంటున్న సమస్యలను రైల్వే బోర్డు అగ్రస్థాయిలో ప్రస్తావిస్తామని హామీ ఇచ్చారు.

ప్రమోటి అధికారుల పదోన్నతులు, కెరీర్ అభివృద్ది, ఉద్యోగ సంబంధిత సవాళ్ళు వంటి అనేక అంశాలపై సమావేశంలో విస్రృత చర్చ జరిగింది. ఐఆర్పీఓఎఫ్ సెక్రటరీ జనరల్ డా.అమిత్ జైన్ సంస్థ కార్యకలాపాలను వివరించారు. అద్యక్షులు దీపక్ రాజ్ ప్రసంగించారు.