నరేంద్ర మోడీ కానుకగా విద్యార్థులకు సైకిళ్ల పంపిణీ

(అంకం భూమయ్య) 

గొల్లపల్లి ఆగస్టు 21
ప్రజా మంటలు 

మల్యాల మండలంలో తాటి పెళ్లి, బల్వంతపూర్ గ్రామాలలో  విద్యార్థులకు బీజేపీ నాయకులు,మాజీ మంత్రి సుద్దాల దేవయ్య, జిల్లా విద్యా అధికారి రాము  జిల్లా అధ్యక్షుడు గంగిడి కృష్ణారెడ్డి లు మోదీ కానుకగా ప్రభుత్వ పాఠశాలలో టెన్త్ క్లాస్ చదివే సరస్వతీ పుత్రులందరికి   కేంద్రమంత్రి బండి సంజయ్ అందిస్తున్న సైకిళ్లను పంపిణీ చేశారు.

కరీంనగర్ పార్లమెంట్  పరిధిలోని ప్రభుత్వ పాఠశాలలో పదవ తరగతి చదువుకునే సరస్వతీ పుత్రులందరికీ , విద్యార్ధినీ, విద్యార్థులకు  మోడీ కానుకగా కేంద్ర మంత్రి బండి సంజయ్ జన్మదినోత్సవం సందర్భంగా సైకిళ్ల పంపణీ కార్యక్రమానికి శ్రీకారం చుట్టారని, దానిలో భాగంగానే మల్యాల మండలంలోని ప్రభుత్వ పాఠశాలలో  పదవ తరగతి విద్యార్థిని విద్యార్థులకు  సైకిళ్లను గురువారం రోజున  అందించారని బిజెపి జిల్లా అధ్యక్షులు గంగాడి కృష్ణారెడ్డి తెలిపారు.

మల్యాల మండలంలోని జిల్లా పరిషత్  ప్రభుత్వ పాఠశాల 10వ తరగతి విద్యార్థిని విద్యార్థులకు గురువారం రోజున  సైకిళ్ల పంపిణీ  చేశారు. మాజీ మంత్రి సుద్దాల దేవయ్య ముందుగా  విద్యార్థిని విద్యార్థులకు సైకిల్లను పంపిణీ చేశారు.ఈ సందర్భంగా ఆయన మాట్లాడుతూ ప్రధానమంత్రి ‘‘నరేంద్రమోదీ కానుక’’ పేరుతో కేంద్ర మంత్రి బండి సంజయ్  స్వయంగా వివిధ సంస్థల నుండి సేకరించిన కార్పొరేట్ సోషల్రెస్పాన్సిబిలిటీ(సీఎస్సార్) నిధులతో ఈ సైకిళ్లను కొనుగోలు చేసి పేద విద్యార్థులకు పంపిణీ చేస్తున్నారని తెలిపారు.

కరీంనగర్ పార్లమెంట్ పరిధిలో దాదాపు 20 వేల సైకిలను కేంద్రమంత్రి బండి సంజయ్ కుమార్ విద్యార్థినీ విద్యార్థులకు అందజేసే మహత్తర కార్యక్రమానికి శ్రీకారం చుట్టారని దేవయ్య తెలిపారు.  పార్లమెంట్ పరిధిలోని అన్ని  ప్రభుత్వ పాఠశాలలోని పదవ తరగతి విద్యార్థిని విద్యార్థులకు మొత్తం 20 వేల సైకిళ్లను దశలవారీగా పంపిణీ చేయడం జరుగుతుందని తెలిపారు.

ముఖ్యంగా  ప్రభుత్వ స్కూళ్లలో చదువుకునే విద్యార్థినీ విద్యార్థులు  పేద కుటుంబం నుండి వచ్చిన వాళ్లే అధిక శాతం  ఉంటారని , ఆ పిల్లలు తమ ఇంటి నుండి స్కూల్ దాకా వెళ్లడానికి తగిన రవాణా సౌకర్యాల్లేక,ఆటోలు, బస్సులు వెళ్లే స్థోమత లేక ఇబ్బందులు పడుతున్నారని తెలిపారు.విద్యార్థుల పరిస్థితులను దృష్టిలో  ఉంచుకుని టెన్త్ బాలబాలికలకు రవాణా ఇబ్బంది ఉండకూడదనే సదుద్దేశంతో బండి సంజయ్ కుమార్ ప్రధాని మోదీ కానుకగా సైకిళ్లను పంపిణీ చేస్తున్నారని ఆయన తెలిపారు.

ఈ కార్యక్రమంలో మండల విద్యాధికారి జయసింహ  ప్రధానోపాధ్యాయులు శ్రీనివాస్ బిజెపి జిల్లా ఉపాధ్యక్షులు బింగి వేణు. మండల అధ్యక్షులు గాజుల మల్లేశం. పిల్లి రాజశేఖర్. బొట్ల ప్రసాద్. రాచర్ల రాములు. సంఘని రవి కొను శ్రీనివాస్. హరీష్. కటకం హర్షవర్ధన్ వంశీ కొత్తూరు సందీప్ తదితరులు పాల్గొన్నారు