జిల్లా పోలీస్ ప్రధాన కార్యాలయంలో ఘనంగా తెలంగాణ రాష్ట్ర ఆవిర్భావ దినోత్సవ వేడుకలు 

జగిత్యాల జూన్ 2(ప్రజా మంటలు)
 జాతీయ పతాకాన్ని ఆవిష్కరించిన జిల్లా ఎస్పీ  అశోక్ కుమార్  

తెలంగాణ రాష్ట్ర ఆవిర్భావ దినోత్సవ వేడుకలను   జిల్లా పోలీస్ ప్రధాన కార్యాలయంలో ఘనంగా జరిగాయి.  జిల్లా ఎస్పీ అశోక్ కుమార్ ,  జాతీయ జెండాను ఆవిష్క‌రించారు. 

ఈ సందర్భంగా ఎస్పీ  మాట్లాడుతూ... జిల్లా ప్రజలకు పోలీసు అధికారులకు మరియు సిబ్బందికి తెలంగాణ రాష్ట్ర ఆవిర్భావ దినోత్సవ శుభాకాంక్షలు తెలిపారు.

తెలంగాణ రాష్ట్రం ఆవిర్భావం,అభివృద్ధి చెందడంలో రాష్టం కోసం జీవితాల్ని త్యాగం చేసిన అమరవీరుల పాత్ర ఎంతో ఉందని అన్నారు.  సమాజం ప్రశాంత వాతావరణం ఉన్నప్పుడే సమాజ అభివృద్ధి సాధ్యమవుతుందని అన్నారు.

తెలంగాణ రాష్ట్ర భవిష్యత్తుకు బలమైన పునాది వేయడంలో పోలీస్ శాఖ సిబ్బంది మనస్ఫూర్తిగా కర్తవ్య నిర్వహణ చేయాలని మరియు అధికారులు సిబ్బంది క్రమశిక్షణతో మరింత బాధ్యతగా పనిచేసి, రాష్ట్ర స్థాయిలో, జాతీయ స్థాయి లో  జిల్లాకు  మంచి పేరు, కీర్తి ప్రతిష్ట లు తీసుకురావాలని  కోరారు. 

అనంతరం తెలంగాణ అమరవీరుల స్మారక స్తూపం వద్ద పుష్పాంజలితో నివాళులు ఘటించారు.

ఈ కార్యక్రమానికి  అదనపు ఎస్పీ భీమ్ రావు,  డిఎస్పి లు వెంకటరమణ, రఘు చందర్, రాములు, రిజర్వ్ ఇన్స్పెక్టర్లు కిరణ్ కుమార్, వేణు, ఇన్స్పెక్టర్ లు ఆరిఫ్ అలీ ఖాన్, వేణుగోపాల్ , కృష్ణ రెడ్డి, జిల్లా పోలీస్ కార్యాలయ అధికారులు,సిబ్బంది మరియు ఇతర సిబ్బంది హాజరయ్యారు.