రాష్ట్రం డెంగీ జ్వరాలతో ఇబ్బందులు పడుతున్నప్పటికీ  స్పందించని ప్రభుత్వం - మాజీ మంత్రి కొప్పుల విమర్శ

రాష్ట్రం డెంగీ జ్వరాలతో ఇబ్బందులు పడుతున్నప్పటికీ  స్పందించని ప్రభుత్వం - మాజీ మంత్రి కొప్పుల విమర్శ

జగిత్యాల సెప్టెంబర్ 08:

రాష్ట్రంలో డెంగీ జ్వరాలతో జనం ఇబ్బందులు పడుతున్నప్పటికీ ప్రభుత్వం నిమ్మకు నీరెత్తినట్లు వ్యవహరిస్తుందనీ
 మాజీ మంత్రి కొప్పుల ఈశ్వర్  ప్రభుత్వంపై విమర్శలు చేశారు.

జగిత్యాల జిల్లా బిఆర్ఎస్ పార్టీ కార్యాలయంలో నిర్వహించిన ప్రెస్ మీట్ మాట్లాడుతూ, రాష్ట్రంలో హెల్త్ ఎమర్జెన్సీని అమలు చేయాల్సిన పరిస్థితులు నెలకొన్నాయనీ,రాష్ట్రంలో గత నెల రోజులుగా విషజ్వరాలు తీవ్రంగా పెరిగిపోతూనే ఉన్నాయనీ. ప్రాణంతకమైన డెంగ్యూ, చికెన్‌ గున్యా లాంటి రోగాలతో ప్రజలు తీవ్ర ఇబ్బందులు పడుతున్నారనీ కొప్పుల ఆరోపించారు.

ఇందులో మాజీ జెడ్ పి ఛైర్పర్సన్ దావా వసంత,వైస్ చైర్మన్ హరి చరణ్, మాజీ కౌన్సిలర్ మల్లేశం తదితరులు పాల్గొన్నారు.

ఇంకా ఇలా అన్నారు.రాష్ట్రంలో ఆగస్టు చివరి నాటికే ఎనిమిదిన్నర లక్షల మందికి పైగా విషజ్వరాల భారిన పడినట్లు తెలుస్తోంది.ఒకే బెడ్ మీద ముగ్గురు నుంచి నలుగురికీ వైద్య అందిస్తున్నా పరిస్థితి ఉంది.

ఆగస్టు 27న రాష్ట్ర వైద్య, ఆరోగ్యశాఖ చెప్పిన లెక్కల ప్రకారం రాష్ట్రంలో 4,459 డెంగ్యూ కేసులు నమోదు అయ్యాయి..! కాని డెంగీ కేసుతోనే కాదు, ఇతర ఏ విషజ్వరం వల్ల ఒక్క మరణం సంభవించలేదు అన్నది రాష్ట్ర వైద్య ఆరోగ్యశాఖ నివేదిక..!

డెంగీ మరణాలు లేవని ప్రభుత్వం చెబుతోంది.. కానీ పత్రికల్లో డెంగీ తో ప్రజలు చనిపోతున్నారని రోజు వార్తలు వస్తున్నాయి..!

ప్రభుత్వం నిజాలను ఎందుకు దాచి పెడుతోంది..!

వైద్య, ఆరోగ్యశాఖ ప్రకటనకు, క్షేత్రస్థాయిలో ఉన్న పరిస్థితులకు తీవ్రమైన వ్యత్యాసం ఉంది...! ఆగస్టు 27వ తేదీ నాటికే రాష్ట్రంలో 128 మంది విషజ్వరాల భారిన పడి మృతిచెందినట్లు స్పష్టమైన నివేదికలున్నాయి..!

ఈ పదిరోజుల వ్యవధిలో మరో 50 మంది విషజ్వరాల భారిన పడి మృతిచెందారు..!

వైద్య ఆరోగ్యశాఖ ఇచ్చిన నివేదికలో ఉమ్మడి కరీంనగర్‌ జిల్లాలో కేవలం లక్ష లోపు మంది మాత్రమే జ్వరాల భారిన పడ్డారు...! 

కరీంనగర్‌లో 40వేల మంది, జగిత్యాలలో 18వేల మంది, సిరిసిల్లాలో 16వేల మంది, పెద్దపల్లిలో 15,300ల మంది అని చెప్పారు. ఇవన్ని కాకి లెక్కలే...!

జగిత్యాల జిల్లాలోనే దాదాపు యాభై వేల మందికి పైగా విషజ్వరాల బారిన పడ్డారు. ఇరవై మందికి పైగా డెంగ్యూ, చికెన్‌ గున్యా లాంటి ప్రమాదకరమైన విషజ్వరాల భారిన పడి మృతిచెందారు..!

మూడు, నాలుగు రోజుల క్రితమే సారంగాపూర్‌ మండలంలో ఒక సింగిల్‌ విండో సి.ఇ.ఓ విషజ్వరంతో చనిపోయాడు..! మల్లాపూర్‌ మండలానికి చెందిన యువకుడు విదేశాల నుండి వచ్చి వివాహం చేసుకున్న పదిహను ఇరవై రోజులకే విషజ్వరంతో చనిపోయాడు..ఎటూ చూసిన విషజ్వరాలు విజృంభిస్తున్నాయి..!

జ్వరపీడితులతో ప్రభుత్వ, ప్రైవేట్‌ ఆసుపత్రులు కిక్కిరిసిపోతుంటే, ప్రజలు విషజ్వరాలతో పిట్టలా రాలుతుంటే ప్రభుత్వం పట్టనట్టు చూస్తోంది..!

ప్రభుత్వ ఆసుపత్రుల్లో కనీస సౌకర్యాల లేకుండా పోయాయి...! వైద్యుల సమయ పాలన పాటించిన దాఖలాలు లేవు...! ఎప్పుడు వస్తున్నారో...! ఎప్పుడు వెళ్తున్నారో తెలియడం లేదు...! వారిపై పర్యవేక్షణ కరువైంది...!

జగిత్యాల జిల్లాలోని ఏ ఒక్క ఆసుపత్రిని ఒక్క మంత్రి, బాధ్యుడైన ప్రజాప్రతినిధి పరిశీలించిన దాఖలాలు లేవు..

ఆసుపత్రుల్లో విషజ్వరాలకు సంబంధించిన మందులు అందుబాటులో లేవు..విషజ్వరాలకు సంబంధించిన మందులు బయట నుండి రోగులు కొనుగోలు చేసుకోవాల్సి వస్తుంది..!

గత మూడు మాసాలుగా అజిత్రోమైసిన్‌, డైక్లోఫైన్‌ ఫార్ములాలకు చెందిన మందుల పంపిణీ జరగడం లేదు...ప్రస్తుతం విషజ్వరాలకు సంబంధించిన ట్రీట్మెంట్‌లో ఇవి కీలకమైనవి అని వైద్యులు చెబుతున్నారు..!

అజిత్రోమైసిన్‌ యాంటిబయటిక్‌ మందు...ఇది అత్యంత కీలకమైంది..కరోనా లాంటి కాలంలోను కోట్లాది మంది ప్రాణాలు కాపాడింది...డైక్లో మందు ప్పులు...ఫివర్‌ను కంట్రోల్‌ చేస్తుంది...ఇలాంటి కీలమైన మందులు ప్రభుత్వ ఆసుపత్రుల్లో అందుబాటులో పెట్టడంలో ప్రభుత్వం విఫలం అయ్యింది..

మూడు మాసాలుగా ఆసుపత్రులకు నిధుల మంజూరు లేదంటున్నారు. కేసీఆర్‌ హాయాంలో ఆసుపత్రుల్లో ఉంచిన బఫర్‌ స్టాక్‌ మందులే ఇన్నాళ్లు వినియోగిస్తూ వచ్చామని, బఫర్‌ స్టాక్‌ పూర్తి కావడంతో మందుల కొరత తీవ్రంగా ఏర్పడిందని వైద్య సిబ్బందే చెబుతున్నారు..!
    ఆసుపత్రి సూపరిండెంట్‌ల వద్ద ఉన్న ప్రత్యేక నిధుల నుండి అత్యవసర మందులు తెచ్చుకునే పరిస్థితి ఉందని వైద్య సిబ్బంది వాపోతున్నారు. 

ఇలాంటి వార్తలను సమైక్య పాలనసేవాళ్లమని.. కాంగ్రెస్‌ పాలన పుణ్యమా అని నేడు ఏ పత్రిక చూసినా మళ్లీ ఆ వార్తలే కనిపిస్తున్నాయి..!

విషజ్వరాలే కాదు...ఆసుపత్రుల్లో సేవలు కుంటుపడ్డాయి...కేసీఆర్‌ కిట్లు అందడం లేదు...ప్రభుత్వ ఆసుపత్రుల్లో ఒకప్పుడు ఎక్కువ ప్రసవాలు జరిగితే ప్రైవేట్‌లో ప్రసవాల సంఖ్య తగ్గిపోయింది..!

బీఆర్‌ఎస్ ప్రభుత్వ హాయంలో జగిత్యాల జిల్లాలో ప్రభుత్వ ఆసుపత్రుల్లో 62 శాతం ప్రసవాలు నమోదు అయితే..! ప్రైవేట్‌లో 38 శాతం నమోదు అయ్యేవి...ఇప్పుడు సీన్‌ రివర్స్‍ అయ్యింది...!

ప్రైవేట్‌లో 65 శాతం ప్రసవాలు జరిగితే...ప్రభుత్వ ఆసుపత్రుల్లో 35 శాతం నమోదు అవుతున్నాయి...! -ప్రభుత్వం సిగ్గుపడాలి...!

ఇప్పటికైనా ప్రభుత్వం మేల్కొని పారదర్శకంగా విష జ్వ‌రాల‌ నివారణ కోసం చర్యలు చేపట్టాలని సూచన..!

విషజ్వరాల కారణంగా ఏ ఒక్కరు ప్రాణం కోల్పోకుండా చూడాలని..! విషజ్వరాలు విజృంభించిన ప్రాంతాల్లో మెడికల్ క్యాంపులు ఏర్పాటు చేసి వైద్యం అందించాలన్నారు..! పల్లె, పట్టణాల్లో పారిశుద్ధ్యం మెరుగు పరచాలని..! ప్రభుత్వ ఆసుపత్రుల్లో మందులు, డెంగీ కిట్స్ అందుబాటులో ఉండేలా చర్యలు తీసుకోవాలి..!