RRR భూనిర్వాసితులకు అండగా ఉంటాం:టీ జే ఎస్ అధ్యక్షులు కోదండరామ్ 

ముఖ్యమంత్రి దృష్టికి తీసుకెళ్లి న్యాయం చేస్తా - కోదండరాం 

హైదరాబాద్ సెప్టెంబర్ 21 (ప్రజా మంటలు):

రీజినల్ రింగ్ రోడ్డు RRR భూ నిర్వాసితులు తమకు అండగా ఉండాలని కోరుతూ తెలంగాణ జన సమితి అధ్యక్షుడు కోదండరామ్ ను హైదరాబాద్ లోని పార్టీ కార్యాలయం లో కలిసారు. పెద్ద ఎత్తున హాజరైన RRR భూ నిర్వాసితులను ఉద్దేశించి కోదండరాం మాట్లాడుతూ, భూనిర్వాసితులకు తమ పార్టీ అండగా ఉంటుందని హామీ ఇచ్చారు.

గతంలో అనేక పోరాటాలలో టీజేఎస్ రైతుల పక్షాన పోరాటం చేసిందని గుర్తు చేశారు. ముఖ్యమంత్రి దృష్టికి తీసుకెళ్లి న్యాయం చేస్తామని హామీ ఇచ్చారు. న్యాయం కోసం రైతులతో పాటు ప్రత్యక్షంగా పోరాటంలో పాల్గొంటామని అన్నారు. ప్రభుత్వం ఎందుకు తీసుకోవద్దు అనేది రైతులు అన్ని విషయాలు అధ్యయనం చేయాలని కోరారు. రైతుల న్యాయ పోరాటం కు తమ పూర్తి సహకారం ఉంటుందని చెప్పారు.RRR కొత్త అలైన్మెంట్ వల్ల కార్పొరేట్ కంపెనీలు,భూస్వాములకు లాభం జరుగుతుందని , ఔటర్ రింగు రోడ్ కు 40 కిలోమీటర్స్ అని ఇప్పుడు 28 కిలోమీటర్ల దూరం లో RRR అలైన్మెంట్ ఇచ్చారని చౌటుప్పల్ నారాయణపురం గట్టుప్పల్ మర్రిగూడ మండలం రైతులు కోదండరామ్ దృష్టికి తెచ్చారు.

ఈ కార్యక్రమంలో టీజేఎస్ రాష్ట్రప్రధాన  కార్యదర్శులు పల్లె వినయ్ కుమార్, ఆశప్ప భూనిర్వాసితుల నాయకులు భీమగాని మహేష్ గౌడ్,పల్లె శేఖర్ రెడ్డి, పల్లె పుష్పారెడ్డి, గుండె మల్లేశం , సుర్వి రాజు , నడికుడి అంజయ్య , బద్దుల     వెంకటేష్, వర్ధన్ నాగార్జున, గంట కృష్ణారెడ్డి, గుండె జంగయ్య, గాజుల భగత్,  భాస్కర్ రెడ్డి, సుర్కంటి కార్తీక్ రెడ్డి, వడ్డేపల్లి స్వామి, సురకంటి శశికళ,చంద్రకళ, పల్లె పుల్లారెడ్డి, కొలను మహేందర్ రెడ్డి, తదితరులు పాల్గొన్నారు.