బెస్ట్ అవైలబుల్ స్కూల్ విద్యార్థుల తల్లిదండ్రులు రాస్తారోకో నిర్వహించారు.

ఎండపల్లి అక్టోబర్ 09 (ప్రజా మంటలు):

ధర్మపురి నియోజకవర్గం ఎండపల్లి మండలం లో బెస్ట్ అవైలబుల్ స్కూల్ విద్యార్థుల తల్లిదండ్రులు ఆందోళన చేశారు.బెస్ట్ అవైలబుల్ స్కూల్ విద్యార్థుల తల్లిదండ్రులు రాస్తారోకో నిర్వహించారు. 

జగిత్యాల జిల్లా ఎండపల్లి మండలంలోని రాజారాంపల్లిలో రాజీవ్ రహదారిపై బైఠాయించి ఆందోళన చేశారు. బెస్ట్ అవైలబుల్ స్కూల్ ఫీజులు చెల్లించాలని డిమాండ్ చేస్తూ నినాదాలు చేశారు. దీనితో రాజీవ్ రహదారిపై రవాణా స్తంభించింది.
రోడ్డు కిరువైపులా భారీ సంఖ్యలో వాహనాలు నిలిచిపోయాయి. 
స్థానిక ఎస్సై తన సిబ్బందితో వచ్చి ఆందోళనకారులను రోడ్డుపై నుండి తొలగించే ప్రయత్నం చేశారు. 

ఈ నేపథ్యంలో పోలీసులకు బెస్ట్ అవైలబుల్ స్కూల్ పేరెంట్స్ కు మధ్య. సల్ప వాగ్వివాదం, చోటుచేసుకుంది. ఈ సందర్భంగా బెస్ట్ అవైలబుల్ స్కూల్ విద్యార్థుల తల్లిదండ్రులు మాట్లాడుతూ గత రెండు  సంవత్సరాలుగా ప్రభుత్వం ఫీజులు చెల్లించకపోవడంతో తమ పిల్లల భవిష్యత్తు రోడ్డుపై పడిందని ఆవేదన వ్యక్తం చేశారు. ఫీజులు రాకపోవడంతో రాజారాంపల్లిలోని అక్షర ప్రైవేట్ పాఠశాలల యాజమాన్యాలు తమ పిల్లలను పాఠశాలకు రానివ్వడం లేదని ఆవేదన వ్యక్తంచేశారు.
ప్రభుత్వం స్పందించి బెస్ట్ అవైలబుల్ స్కూల్ ఫీజులు చెల్లించి, తమ పిల్లల భవిష్యత్తును కాపాడాలని డిమాండ్ చేశారు.

సమాచారం అందుకున్న ఎంఈఓ విద్యార్థుల తల్లిదండ్రులకు సర్దిచెప్పడంతో ఆందోళన విరమించారు. అనంతరం  అక్షర హైస్కూలు యాజమాన్యంతో మాట్లాడి విద్యార్థుల జీవితలతో అడుకివద్దని హెచ్చరించారు. దీనితో ప్రభుత్వం నుంచి నిధులు మంజూరు చేసేవరకు విద్యార్థులను యధావిధిగా తరగతులకు అనుమతించేలా విద్యార్థులను ఎలాంటి ఇబ్బందులకు గురిచేయకుండా చూడాలని హైస్కూల్ యాజమాన్యం ఆదేశించారు.