గంజాయి పెంచుతున్న వారిపై పోలీసుల నజర్ యువకుడి పట్టివేత

జగిత్యాల రూరల్ ఆగస్టు 3 (ప్రజా మంటలు)

 జగిత్యాల జిల్లాలో గంజాయి అక్రమ సాగు కొనసాగుతోంది గంజాయి అమ్మే వారిపై జిల్లా పోలీసులు నిఘా పెట్టారు .జిల్లా ఎస్పీ గంజాయి  రహిత జిల్లాగా కృత నిశ్చయము వెరసి గంజాయి పెంచుతున్న వారిపై తీవ్రంగా దృష్టి నిలిపారు.

కాగా తాజాగా జగిత్యాల రూరల్ మండలం వంజరిపల్లి గ్రామంలో గంజాయి మొక్కలు పెంచుతున్న యువకుడు పోలీసుల చేతికి చిక్కాడు. సిసిఎస్ ఇన్స్పెక్టర్ శ్రీనివాస్ మరియు రూరల్ ఎస్సై సధాకర్ నేతృత్వంలో ప్రత్యేక బృందం వంజరిపల్లి గ్రామంలో తనిఖీలు నిర్వహించింది.

ఈ తనిఖీల్లో మోత్కు రాజు అనే యువకుడు తన ఇంటి ప్రాంగణంలో నిషేధిత గంజాయి మొక్కలు పెంచుతున్నట్లు గుర్తించారు. మొత్తం నాలుగు మొక్కలు, సుమారు 241 గ్రాముల బరువుతో స్వాధీనం చేసుకున్నారు .

పోలీసులు. గంజాయి మొక్కలు పూర్తిగా పెరిగిన స్థితిలో ఉండటంతో, వీటిని విక్రయించే ప్రయత్నంలో ఉన్నట్లు అనుమానిస్తున్నారు. నిందితుడు మోత్కు రాజును అదుపులోకి తీసుకున్న పోలీసులు, నార్కోటిక్స్ మరియు డ్రగ్స్ ప్రొహిబిషన్ చట్టాల కింద కేసు నమోదు చేసి, రిమాండ్‌కు తరలించారు.

పెరుగుతున్న డ్రగ్స్ వినియోగం నేపథ్యంలో పోలీసులు అలర్ట్‌ అయ్యారు. గ్రామీణ ప్రాంతాల్లో ఇలాంటివి ఎదుర్కొనడంలో ఇంకా కఠిన చర్యలు తీసుకుంటామన్నారు.