టీడీఎఫ్- యూఎస్ఏ ఆధ్వర్యంలో కాలిఫోర్నియా డబ్లిన్ లో బతుకమ్మ

సికింద్రాబాద్,  అక్టోబర్ 05 (ప్రజా మంటలు):

యూఎస్ ఏ కాలిఫోర్నియాలోని డబ్లిన్ నగరంలోని తెలంగాణ డెవలప్మెంట్ ఫోరం -యూఎస్ఏ ఆధ్వర్యంలో బతుకమ్మ పండుగను ఘనంగా నిర్వహించారు. 
సుమారు వెయ్యి మంది తెలంగాణ ఎన్నారై వనితలు, కుటుంబ సభ్యులు పాల్గొని సాంప్రదాయబద్ధంగా బతుకమ్మలు ఆడారు. మహిళలు అందంగా పేర్చిన బతుకమ్మలతో ఆటపాటలతో సందడి చేశారు. 
ముఖ్య అతిథులుగా టిడిఎఫ్ ఇండియా అధ్యక్షులు మట్ట రాజేశ్వర్ రెడ్డి, మాజీ అధ్యక్షుడు రాజారెడ్డి వట్టే పాల్గొన్నారు. నిర్వాహకులు కీర్తి మణికొండ, సరిత రాజిడి, వందన, సరిత కేతిరెడ్డి, భార్గవి, సరిత రావి, శ్వేత, దివ్య పల్లవి, స్రవంతి రేవూరి, అర్పిత తదితరులు స్పాన్సర్లకు, అతిథులకు కృతజ్ఞతలు తెలిపారు.

టిడిఎఫ్- యూఎస్ఏ ఆధ్వర్యంలో గత 25 సంవత్సరాల నుంచి యుఎస్ లో టిడిఎఫ్ ఆధ్వర్యంలో ఘనంగా బతుకమ్మ సంబరాలు నిర్వహిస్తున్నట్టు టిడిఎఫ్ యూఎస్ఏ అధ్యక్షులు శ్రీనివాస్ మణికొండ తెలిపారు, బతుకమ్మ పండుగని వివిధ దేశాల్లో విస్తరించిన ఘనత కేవలం టిడిఎఫ్ కే దక్కుతుందని వారు తెలిపారు. తెలంగాణ సాంస్కృతిని వివిధ దేశాల్లో కాపాడే సంస్థ ఉందంటే అది టిడిఎఫ్ అని ఇది చెప్పుకోవడానికి సగర్వంగా ఉందని వారు తెలిపారు, రానున్న రోజుల్లో అటు అమెరికాతో పాటు తెలంగాణ ప్రాంతంలో అనేక అభివృద్ధి కార్యక్రమాలతో పాటు తెలంగాణ సంస్కృతి సంస్కృతిని కాపాడుతామని ఈ సందర్భంగా తెలియజేశారు. టిడిఎఫ్ ఆధ్వర్యంలో అమెరికాలో నిర్వహిస్తున్న బతుకమ్మ పండుగ చూసి చాలా గర్వంగా ఉందని టిడిఎఫ్ ఇండియా అధ్యక్షులు మట్ట రాజేశ్వర్ రెడ్డి తెలిపారు, రానున్న రోజుల్లో  ఎన్నారైలు అందరూ ఇదే విధంగా మన సంస్కృతి సంప్రదాయాలను కాపాడాలని వారు విజ్ఞప్తి చేశారు. బతుకమ్మ, దసరా పండుగలను ఘనంగా నిర్వహించిన సభ్యులందరికీ వారు కృతజ్ఞతలు తెలిపారు.