వృద్దుల్లో మనోనిబ్బరం నింపేందుకు అవగాహన సదస్సు  

జగిత్యాల అక్టోబర్ 11 (ప్రజా మంటలు):

వృద్ధుల్లో మనో నిబ్బరం నింపేందుకు ప్రత్యేక  అవగాహన సదస్సులు  నిర్వహిస్తున్నట్లు  తెలంగాణ ఆల్ సీనియర్ సిటిజెన్స్ అసో సియేషన్ రాష్ట్ర కార్యదర్శి హరి అశోక్ కుమార్  అన్నారు. శనివారం జిల్లా కేంద్రంలో సీనియర్ సిటిజెన్స్ జిల్లా శాఖ ఆధ్వర్యంలో  వృద్ధుల్లో ఆత్మహత్య ల నివారణ-పిల్లల  భాద్యత అనే అంశం పై అవగాహన సదస్సు నిర్వహించి పలు అంశాలను వివరించారు. రాష్టం లో వృద్ధులు ఎక్కడ ఆత్మ హత్యలు చేసుకున్నా వెంటనే విచారణ జరిపించాలన్నారు.

తల్లిదండ్రులైన వృద్ధులు ఆత్మహత్యలకు  పాల్పడకుండా పిల్లలు భాద్యత వహించాల న్నారు. స్వంత ఇంటిలో నుంచి గెంటి వేయడం, వృద్ధులను వసతి గృహాల్లో, అనాధ శరణాలయాల్లో చేర్పించడం, ఆస్తులను బలవంతంగా, మాయ మాటలతో రిజిస్ట్రేషన్ చేయించుకొని కూడా పోషించక పోవడం తోనే తీవ్ర మానసిక  వేదనకు గురై ఆత్మ హత్యలు చేసుకుంటున్నారని వాటి నివారణకు సీనియర్ సిటిజెన్స్ రాష్ట్ర అధ్యక్షులు పి. నర సింహా రావు సూచనల్తో రాష్ట్ర వ్యాప్తముగా జిల్లా, డివిజన్, మండల కేంద్రాల్లో అవగాహన సదస్సు లు నిర్వహిస్తున్నామన్నారు.

వృద్ధుల్లో ఆత్మహత్యల నివారణకు జిల్లా, డివిజన్ కేంద్రాల్లోని  ప్రభుత్వ ఆసుపత్రుల్లో  మానసిక  వైద్యులను నియమించాలని కోరారు.ఈ సదస్సులో మాజీ మున్సిపల్ చైర్మన్ జీ. ఆర్. దేశాయ్, సీనియర్ సిటిజెన్స్ జిల్లా ప్రధాన కార్యదర్శి గౌరిశెట్టి విశ్వనాతం, కోశాధికారి వెల్ ముల ప్రకాష్ రావు, కౌన్సిలింగ్ అధికారులు పీ. సీ. హన్మంత్ రెడ్డి, విఠల్, పట్టణ అధ్యక్షులు మానాల కిషన్, యువజన, మహిళా సంఘాల ప్రతినిధులు ధోనూరి భూమాచారి, కస్తూరి శ్రీమంజరి, గంగము జలజ, కరుణ  తది తరులు పాల్గొన్నారు.