ప్రాణాపాయ స్థితిలో ఉన్న మూగ జీవి ప్రాణాన్ని రక్షించిన యువకుడు

గొల్లపల్లి జూలై 22  (ప్రజా మంటలు): 

 రోడ్డు ప్రమాదంలో తీవ్రంగా గాయపడి  విలవిలలాడుతున్న కోతిని, స్థానికులు ఎవరు పట్టించుకోకపోవడంతో  ఓ యువకుడు స్పందించి,  సంఘటన భీమరాజు పల్లి గ్రామంలో చోటుచేసుకుంది.
 మండలంలోని భీమ్రాజు పల్లి గ్రామానికి చెందిన ఎనగందుల రూపేష్  తన మిత్రులతో కలిసి సోమవారం ఎండపల్లి మండల కేంద్రానికి వెళ్లాడు. అక్కడే రోడ్డు దాటుతుండగా ఓ వానరాన్ని  గుర్తుతెలియని వాహనం  ఢీకొట్టడంతో   తీవ్రంగా గాయపడింది. దారిన వెళ్లేవారు ఎవరు పట్టించుకోకపోవడంతో. విలవిలలాడుతున్న కోతిని చూసి రూపేష్  స్పందించారు.

తక్షణ వైద్యం అందించడానికి  అక్కడ తనకు ఎవరూ తెలియకపోవడంతో  తెలిసిన  రిపోర్టర్ కు ఫోన్ చేయడంతో ఆయన స్థానిక వైద్య సిబ్బందికి సమాచారం అందజేశారు. స్పందించిన ఎండపల్లి పశువైద్య సిబ్బంది అక్కడికి వెళ్లి చికిత్సను అందించారు. అయినప్పటికీ వానరం కోలుకోకపోవడంతో మంగళవారం మెరుగైన  వైద్యం అందించేందుకు ఆటోలో, తన సొంత ఖర్చులతో  మరో ముగ్గురి మిత్రుల సాయంతో  కోతిని కోరుట్లలోని, పీవీ నరసింహారావు  పశు వైద్య కళాశాలకు  తరలించారు.

రిపోర్టర్ చోరవతో అక్కడి వైద్యులు మెరుగైన చికిత్స అందించారు. గాయపడిన వానరం కోలుకుందని వైద్యులు దృవీకరించారు. సకాలంలో ప్రాణాపాయ స్థితిలో ఉన్న మూగ జీవికి మెరుగైన వైద్యం అందించేందుకు కృషిచేసిన రూపేష్ కు, సహకరించిన మిత్రులకు, కృతజ్ఞతలు తెలిపారు.