ఫిర్యాదుదారులను పోలీసులు బెదిరించడం మానుకోవాలి - రాష్ట HRC హెచ్చరిక

 హైదరాబాద్ జూలై 23:

చట్టపరమైన పరిష్కారాలను అనుసరించే ఏ ఫిర్యాదుదారుడిని బెదిరించడం, ప్రభావితం చేయడం లేదా బలవంతం చేయడం మానుకోవాలని రాష్ట్రంలోని అన్ని పోలీసు అధికారులకు స్పష్టమైన సూచనలను జారీ చేయాలని TGHRC, తెలంగాణ DGPకి సిఫార్సు చేసింది.

HRC ఛైర్మన్ డాక్టర్ జస్టిస్ షమీమ్ అక్తర్ అధ్యక్షతన తెలంగాణ మానవ హక్కుల కమిషన్ (TGHRC), 2018 ఏప్రిల్‌లో సంతోష్‌నగర్ PSలో పోలీసు అధికారులు అక్రమంగా నిర్బంధించడం, దాడి చేయడం మరియు చేయని తప్పు ఒప్పుకోమని బలవంతం చేశారని ఆరోపిస్తూ, జి. ప్రశాంత్ కుమార్ మరియు మరొకరు దాఖలు చేసిన ఫిర్యాదును పరిశీలించింది.

ఫిర్యాదుదారుడిని (HRC No. 3064 of 2018) విచారించిన మరియు రికార్డులను పరిశీలించిన తర్వాత, ఈ విషయం ప్రస్తుతం sub-judice (కోర్ట్ లో పెండింగ్) ఉన్నప్పటికీ, ప్రైవేట్ ఫిర్యాదును ఉపసంహరించుకోవాలని పోలీసు అధికారులు చేసిన బలవంతం మరియు బెదిరింపుల ఆరోపణలు నివారణ చర్యకు అర్హమైనవని కమిషన్ పేర్కొంది.

మానవ హక్కుల పరిరక్షణ చట్టం, 1993లోని సెక్షన్ 18 ప్రకారం - అటువంటి కేసులలో పోలీసుల దుష్ప్రవర్తనను నిరోధించడానికి, ఫిర్యాదుదారుల భద్రతను నిర్ధారించడానికి మరియు ఆరోపించిన దుష్ప్రవర్తనపై ప్రాథమిక శాఖాపరమైన విచారణను ప్రారంభించడానికి సూచనలు జారీ చేయాలని కమిషన్ వారు తెలంగాణ DGP వారికి సిఫార్సు చేసింది. ఫిర్యాదుదారుడిని వేధించరాదని మరియు ఎటువంటి భయం లేకుండా చట్టపరమైన పరిష్కారాలను అనుసరించడానికి వీలు కల్పించాలని కమిషన్ ఆదేశించింది.