ఫ్యాక్టరీ తెరిపించడం చేతకాకపోతే కేంద్ర ప్రభుత్వానికి లేఖ రాయండి -  మేం తెరిపిస్తాం జెపి శ్రేణులు

మెట్టుపల్లి సెప్టెంబర్ 11 (ప్రజా మంటలు దగ్గుల అశోక్): 

జగిత్యాల జిల్లా మెట్ పల్లి పట్టణంలోని బిజెపి పార్టీ కార్యాలయంలో జిల్లా అధ్యక్షులు రాచకొండ యాదగిరి బాబు, జిల్లా ప్రధాన కార్యదర్శి వడ్డేపల్లి శ్రీనివాస్ ల సమక్షంలో మీడియా సమావేశం నిర్వహించారు ఈ సందర్భంగా యాదగిరి బాబు మాట్లాడుతూ...ఇది పూర్తిగా స్థానిక ఎన్నికల స్టంట్ గా బిజెపి పార్టీ శ్రేణులు కొట్టిపారేషారు. రౌండ్ టేబుల్ సమావేశంలో రైతులు లేనే లేరని కొన్ని పార్టీల నాయకులు రైతు కండువాలో దర్శనమిచ్చారని  యాదగిరి బాబు అన్నారు. పార్లమెంట్ సభ్యులు కాదు అరవింద్ ఆదేశాలతో మల్లాపూర్ మండల అధ్యక్షుడు గోపిడి శ్రీనివాస్ రెడ్డి మల్లాపూర్ నుండి షుగర్ ఫ్యాక్టరీ వరకు ఫ్యాక్టరీ తెరిపించాలని పాదయాత్ర నిర్వహించినట్లు అన్నారు.

షుగర్ ఫ్యాక్టరీ విషయంలో ఏనాడు కమ్యూనిస్టు పార్టీలు మాట్లాడలేదని,నేడు మాట్లాడటం ఏమిటి అని ఇది పూర్తిగా ప్రజలను తప్పుదోవ పట్టించడమేనని ఎద్దేవా చేశారు.భారతీయ జనతా పార్టీ షుగర్ ఫ్యాక్టరీ విషయంలో పెద్ద ఎత్తున ఆందోళనలు చేపట్టామని, ధర్మపురి అరవింద్ చెరుకు ఫ్యాక్టరీ నుండి బోధన్ చెరుకు ఫ్యాక్టరీ వరకు పాదయాత్ర చేశాడని గుర్తు చేశారు. మీకు ఫ్యాక్టరీ తెరిపించడం చేతకాకపోతే కేంద్ర ప్రభుత్వానికి లేఖ రాయమని రాష్ట్ర ప్రభుత్వానికి తెలుపుతున్నామన్నారు. నిజామాబాద్ పార్లమెంట్ సభ్యుడు  ధర్మపురి అరవింద్ కేంద్ర ప్రభుత్వాంతో మాట్లాడి చెరుకు ఫ్యాక్టరీ తెరిపిస్తాడని అరవింద్ పక్షాన బిజెపి నాయకులు ప్రజలకు హామీ ఇస్తున్నట్టు తెలిపారు.