ఆరోగ్యవంతులైన బాలికలే దేశ భవిత

బాలికల ఆరోగ్యానికి సంబంధించి పెద్ద సమస్య రక్తహీనతకు దారితీసే పోషకాహార లోపం 
- ఐఎం ఏ అధ్యక్షులు డాక్టర్ గూడూరి హేమంత్ 

-ప్రధాన కార్యదర్శి డాక్టర్ ఆకుతోట శ్రీనివాస్ రెడ్డి 

గొల్లపల్లి జూలై 10 (ప్రజా మంటలు):
 
గొల్లపెల్లి మండల కేంద్రంలోని గురువారం  బాలికల ఉన్నత పాఠశాలలో ఐఎంఏ జగిత్యాల శాఖ ఆధ్వర్యంలో అనీమియా ముక్త్ భారత్ కార్యక్రమంలో భాగంగా వైద్య పరీక్షలు మరియు అవగాహన కార్యక్రమం నిర్వహించారు.
ఈ సందర్భంగా వారు మాట్లాడుతూ సూక్ష్మపోషకాల లేమి వల్ల ప్రపంచవ్యాప్తంగా పందొమ్మిదేళ్ల లోపు బాలికలు దాదాపు అయిదుకోట్ల మంది తక్కువ బరువుతో ఉన్నారు. మరో పదికోట్ల మంది రక్తహీనతతో బాధపడుతున్నారని తెలిపారు.

మనదేశంలో 56 శాతం అమ్మాయిలు పోషకాహార లోపం కారణంగా తలెత్తే రక్తహీనత బాధితులు పిల్లలు ఇలా దీర్ఘకాలం అనారోగ్యంతో బాధపడడం వల్ల వారి విద్య, ఉద్యోగ అవకాశాలు సన్నగిల్లుతున్నయని ఆవేదన వ్యక్తపరిచారు. ఈపరిస్థితి లింగ సమానత్వానికి ప్రధాన ఆటంకంగా మారుతోంది. ఈ సమస్యల్ని అధిగమిస్తే లక్షలాది బాలికల ప్రాణాలు నిలవడమే కాదు, ఉత్పాదకత 17 శాతం పెరుగుతుందని తెలిపారు.

 స్త్రీ వైద్య నిపుణులు డాక్టర్ స్వరూప ఆధ్వర్యంలో విద్యార్థినిలకు వైద్య పరీక్షలు నిర్వహించారు 36 మంది విద్యార్థినిలకు మందులను ఉచితంగా విద్యార్థులకు శానిటరీ ఫ్యాట్స్ అందజేశారు. ఈ కార్యక్రమంలో పాఠశాల ప్రధానోపాధ్యాయులు డి.అనిత, వైద్య సిబ్బంది ఉపాధ్యాయులు తదితరులు పాల్గొన్నారు.