ఇందిరమ్మ ఇండ్ల లబ్ధిదారులు త్వరగా నిర్మాణాలు పూర్తి చేయాలి: జిల్లా కలెక్టర్

 కథలాపూర్ సెప్టెంబర్ 12( ప్రజా మంటలు)
 

మహాత్మాగాంధీ జాతీయ గ్రామీణ ఉపాధి హామీ పథకం (ఈజీఎస్) నిధుల ద్వారా మంజూరైన.నూతనంగా  నిర్మిస్తున్న ప్రాథమిక ఆరోగ్య కేంద్రం మరియు గ్రామపంచాయతీ భవనాల పనులను వేగవంతంగా పూర్తి చేయాలన్నారు జిల్లా కలెక్టర్

 ఇందిరమ్మ ఇళ్ల లబ్ధిదారులకు సకాలంలో బిల్లులు చెల్లింపులు జరిగేలా క్షేత్రస్థాయిలో పర్యవేక్షణ జరపాలని కలెక్టర్ బి సత్యప్రసాద్ అధికారులను ఆదేశించారు

శుక్రవారం కథలాపూర్ మండలంలోని అంబర్ పేట, చింతకుంట, భూషణరావుపేట గ్రామాల్లో ఇందిరమ్మ ఇండ్లు మరియు గ్రామపంచాయతీ హెల్త్ సెంటర్ భవన పనులను పరిశీలించారు. 
ఈ సందర్భంగా ఇందిరమ్మ ఇండ్ల కు అర్హులైన లబ్ధిదారులను కలిసి నిర్మాణ పనులు మొదలు పెట్టని వారు ఉన్నట్లయితే వారిని వెంటనే మొదలుపెట్టించాలి   చేయించాలి ఇంటి నిర్మాణాలకు ఏమైనా ఇబ్బందులు ఉన్నాయని ఆరా తీశారు.

గ్రామంలో ఎన్ని ఇందిరమ్మ ఇండ్లు మంజూరు అయ్యాయని ఎన్ని గ్రౌండ్లింగ్ వరకు వచ్చాయని ఎన్ని స్లాబ్ దశకు వచ్చాయని అధికారులను అడిగి తెలుసుకున్నారు. 
మంజూరైన ఇందిరమ్మ ఇళ్లను త్వరగా పూర్తి చేయాలని కలెక్టర్ సూచించారు. 
ఆర్థికంగా ఇబ్బందులు ఉన్నవారికి సెర్ప్, మెప్మా ద్వారా రుణాలు మంజూరయ్యేలా చొరవ చూపాలన్నారు.
 

ఇందిరమ్మ ఇళ్లకు ప్రభుత్వం ఉచితంగా ఇసుక అందిస్తుందని అందుకు అందుబాటులో ఉండేలా చర్యలు తీసుకోవాలని కేవలం రవాణా కూలీల వేతనాలు మాత్రం లబ్ధిదారులు చెల్లిస్తే ఇసుక ఉచితంగా సమకూరుతుందని కలెక్టర్ స్పష్టం చేశారు.

ఈ కార్యక్రమంలో కోరుట్ల ఆర్డిఓ జీవాకర్ రెడ్డి, ఈ పి ఆర్ ఓ లక్ష్మణ్ రావు జిల్లా హౌసింగ్ పిడి ప్రసాద్ ఎమ్మార్వోలు ఎంపీడీవోలు తదితరులు  పాల్గొన్నారు.