గొల్లపల్లి మోడల్ స్కూల్ లో ఘనంగా తెలంగాణ బోనాలు

గొల్లపల్లి జూలై 19 (ప్రజా మంటలు):

తెలంగాణ సంస్కృతిలో భాగమై, తెలంగాణ పండగలలో ఒకటైన బోనాల పండుగను పురస్కరించుకొని,  గొల్లపల్లి మండల కేంద్రంలో మోడల్ స్కూల్  ప్రిన్సిపల్ సుంకరి రవి ఆధ్వర్యంలో అంగరంగ వైభవంగా తెలంగాణ బోనాల పండుగ నిర్వహించారు.

ఇందులో భాగంగా పాఠశాలను రంగులతో ముస్తాబు చేశారు.
పాఠశాల ఆవరణలో విద్యార్థినీలు భక్తిశ్రద్ధలతో  బోనాలను వండి ఊరేగింపుగా స్థానిక పోచమ్మ ఆలయం వద్ద అమ్మవారికి బోనాలను, నైవేద్యాలను, మొక్కులను సమర్పించారు.కోలాటాలు, పోతరాజు వేషాలు, పులి వేషాలు, వారి అద్భుతమైన విన్యాసాలు చూపరులను ఎంతగానో ఆకట్టుకున్నాయి. 

ఈ సందర్భంగా మోడల్ స్కూల్ ప్రిన్సిపల్ సుంకరి రవి  మాట్లాడుతూ, "తెలంగాణ రాష్ట్ర బోనాల పండుగను తమ పాఠశాలలో జరుపుకోవడం ఎంతో ఆనందంగా ఉందని, దీని ద్వారా విద్యార్థులకు తెలంగాణ కళలు, సంస్కృతి సామాజిక సంబంధాలు, నాయకత్వ లక్షణాలు, బృంద చర్చలు, మొదల అంశాలపైన ప్రత్యక్ష అనుభవం కలుగుతుందని, ఇవి విద్యార్థి మూర్తిమత్వం అభివృద్ధి చెందడానికి ఎంతగానో దోహదపడుతుందని తెలియజేశారు."
ఈ కార్యక్రమంలో ప్రిన్సిపల్ రవిశంకర్, భోగ ప్రవీణ్, తిరుపతి, రాజేందర్ మామిడాల ప్రియాంక, వనిత, నాగ ప్రసన్న, ఉపాధ్యాయులు తల్లిదండ్రులు విద్యార్థులు పాల్గొన్నారు.