జాతీయ మెగా లోక్ అదాలత్ విజయవంతం చేయడం లో కృషి చేసిన పోలీస్ అధికారులను సిబ్బందిని అభినందించి ప్రశంసా పత్రాలు అందజేసిన  జిల్లా జడ్జి  రత్న పద్మావతి 

జగిత్యాల జూన్ 21 ( ప్రజా మంటలు)

రాజీ మార్గాన కేసులను పరిష్కరించడానికి ఈ నెల 14 శనివారం నాడు నిర్వహించిన జాతీయ మెగా లోక్‌ అదాలత్ లో జిల్లా పరిధిలో 2500  కేసుల పరిష్కారానికి కృషి చేసిన పోలీస్ అధికారులు, సిబ్బంది, బార్ అసోసియేషన్ వారిని  జిల్లా జడ్జి  రత్న పద్మావతి  అబినందించారు  . జిల్లా కోర్టు ప్రాంగణం లో  ప్రశంసా పత్రాలు అందజేశారు. 

ఈ సందర్భంగా   జిల్లా జడ్జి  రత్న పద్మావతి   మాట్లాడుతూ ..   
 పోలీస్ అధికారులు, బార్ అసోసియేషన్, కోర్టు సిబ్బంది ఎంతో కష్టపడి  కేసులలో ఉన్న కక్షిదారులను స్వయంగా కలిసి రాజీ మార్గం రాజ మార్గమని, లోక్ అదాలత్ ద్వారా సత్వర న్యాయం జరుగుతుందని మరియు ఇరు వర్గాలకు న్యాయం జరుగుతుందని అవగాహన కల్పించినందున ఈ కేసులు పరిష్కరించబడినాయని తెలిపారు. గతంలో ఎప్పుడు లేని విధంగా కేసులను పరిష్కరించడంలో చక్కగా వ్యవహరించిన బార్ అసోసియేషన్, పోలీస్ అధికారులను, సిబ్బందిని అభినందిస్తూ  రానున్న రోజుల్లో ఇదే స్ఫూర్తితో పని చేయాలని అధికారులను కోరారు.  

ఈ యొక్క కార్యక్రమంలో జిల్లా ఎస్పీ  అశోక్ కుమార్ .అదనపు జిల్లా జడ్జి ఎస్. నారాయణ , సెక్రటరీ లీగల్ సెల్ జగిత్యాల వెంకట మల్లిక్ సుబ్రమణ్య శర్మ  , ఇతర న్యాయమూర్తులు, బార్ కౌన్సిల్ జగిత్యాల అధ్యక్షులు మరియు జగిత్యాల జిల్లా పోలీసు అధికారులు మరియు సిబ్బంది పాల్గొన్నారు.