మహాత్మ జ్యోతిబా పూలే గురుకుల   పాఠశాలను ఆకస్మిక తనిఖీ చేసిన కలెక్టర్ సత్యప్రసాద్

గొల్లపల్లి జూలై 15  (ప్రజా మంటలు):

 గొల్లపల్లి  మండల కేంద్రంలోని మహాత్మ జ్యోతిబా  పూలే బాలికల గురుకుల పాఠశాలను జిల్లా కలెక్టర్  సత్య ప్రసాద్   ఆకస్మికంగా తనిఖీ చేసి బాలిక గురుకుల పాఠశాలలో పరిశీలించి పరిసరాల పరిశుభ్రతను పాటించాలని అధికారులకు ఆదేశించారు.
 తప్పనిసరిగా పాఠశాల ఆవరణంలో  పిచ్చి మొక్కలు తొలగించాలని, పరిశుభ్రంగా ఉంచాలని అదేవిధంగా విద్యార్థులకు మంచి భోజనాన్ని వంట సరుకులను ఎప్పటికప్పుడు పండ్లు కూరగాయలు తాజాగా ఉండాలి వంటగది  ఆయిల్ పప్పు వంటకు సంబంధించినవి నాణ్యతను ఉండేలా చూడాలని పరిశీలించాలని ప్రిన్సిపాల్ కు సూచించారు.
  గురుకుల పాఠశాలలో చదువుతున్న విద్యా విధానం  బోధించే ఉపాధ్యాయుల విధానము విద్యార్థులకు బోధించే విధానంను విద్యార్థులతో  అడిగి తెలుసుకున్నారు.
 అదేవిధంగా వంటగదిలో  కూరగాయల పప్పు దినుసులు బియ్యం నూనె నాణ్యత గా ఉండేలా చూడాలి అధికారులకు  సూచించారు.

జిల్లా కలెక్టర్  పరిశీలన తర్వాత వెనువెంటనే అక్కడి టీచింగ్ స్టాఫ్ అందరితో సమీక్ష సమావేశం ఏర్పాటు చేసి బోధనలో గాని, పాఠశాల రెడి నెస్ లో గాని పిల్లల సౌకర్యాల ఏర్పాట్లు గాని ఎట్టి పొరపాటు లేకుండా  తక్షణమే చర్యలు తీసుకోవాలని వారందరికీ అధికారుల  సూచనలు తప్పకుండా పాటించాలని సూచించారు.
ఈ కార్యక్రమంలో ఆర్. డి ఓ మధుసూదన్, తహసిల్దార్ వరందన్ , డిసిఓ  & గురుకుల  ప్రిన్సిపల్ సుస్మిత  సంబంధిత అధికారులు పాల్గొన్నారు.