జేఏసీ, మహిళా సంఘాల ఆధ్వర్యంలో డ్రగ్స్ నివారణ పోరు యాత్ర

భీమదేవరపల్లి ఏప్రిల్ 21 (ప్రజామంటలు) :

హుస్నాబాద్ నియోజకవర్గంలోని భీమదేవరపల్లి మండలం మాణిక్యపూర్ గ్రామంలో జేఏసీ ఆధ్వర్యంలో మహిళా సంఘాల సహకారంతో డ్రగ్స్ నివారణ పోరు యాత్ర నిర్వహించడం జరిగింది. ఇట్టి కార్యక్రమానికి ముఖ్య అతిథిగా ప్రొఫెసర్ కోదండరాం ఎమ్మెల్సీ పాల్గొని ఈ కార్యక్రమాన్ని ఉద్దేశించి మాట్లాడుతూ, డ్రగ్స్, మద్యం, పాన్ పరాక్ లాంటివి యువతను నాశనం చేస్తూ ఒక తరాన్ని తుడిచి పెట్టేస్తున్నాయని ఎమ్మెల్సీ కోదండరాం ఆవేదన వ్యక్తం చేశారు. ఈ కార్యక్రమంలో మహిళా సంఘాలు, జేఏసీ నాయకులు పెద్ద ఎత్తున పాల్గొన్నారు. డ్రగ్స్, మద్యం లాంటి వ్యసనాలకు అలవాటు పడిన పిల్లల కుటుంబాల ఆర్థిక పరిస్థితి పూర్తిగా దెబ్బతింటుందని, జలగలు రక్తాన్ని పీల్చినట్లు ఈ వ్యసనం కుటుంబ ఆర్థిక పరిస్థితులను పీల్చివేసి నాశనం చేస్తుందన్నారు. అదేవిధంగా పిల్లల యొక్క ఆరోగ్యం దెబ్బతిని, కుటుంబంలో ప్రశాంతత సంపూర్ణంగా నాశనం అవుతుందన్నారు. పోనీ వీటికి దూరంగా ఉందామంటే ఓ వైపు బెల్ట్ షాపులు, మరోవైపు గ్రామ గ్రామాన విస్తరించిన డ్రగ్స్ వల్ల గ్రామాలలో తీవ్ర సమస్య ఏర్పడిందన్నారు. తప్పనిసరిగా ఈ పరిస్థితికి వ్యతిరేకంగా ఒక పోరాటం చేయాల్సి ఉందన్నారు. హుస్నాబాద్ జేఏసీ, మహిళా సంఘాల ఆధ్వర్యంలో డ్రగ్స్ నిర్మూలనపై పోరుయాత్ర చేపట్టడం అభినందనీయమని, డ్రగ్స్ నిర్మూలనలో ప్రజలందరూ భాగస్వాములు కావాలని కోరారు. ఈ కార్యక్రమం మాణిక్యపుర్ ,గాంధీనగర్ మొదలుకొని రత్నగిరి మరియు రంగయ్యపల్లె,వంగర లలో జరిగిందని అన్నారు ఈ కార్యక్రమంలో ఎమ్మెల్సీ కోదండరాం,హుస్నాబాద్ నియోజకవర్గ జేఏసీ చైర్మన్ కవ్వ లక్ష్మారెడ్డి, సిద్దిపేట జిల్లా గ్రంధాలయ చైర్మన్ కేడం లింగమూర్తి , భీమదేవరపల్లి మండలం జేఏసీ చైర్మన్ డ్యాగాల సారయ్య, నియోజకవర్గ జేఏసీ కోఆర్డినేటర్ మేకల వీరన్న యాదవ్, సింగిల్ విండో చైర్మన్ బొలిశెట్టి శివయ్య, భీమదేవరపల్లె మండల ఏపిఎం దేవానందం,మరియు చెప్యాల ప్రకాష్, సతీష్, సదానందం, నాగమణి , కర్ణాకర్ బాలసుందర్ సీసీలు,ఉప్పుల కుమారస్వామి, మాట్ల వెంకటస్వామి ,గాండ్ల పద్మ ,దండు లక్ష్మి, శ్రీదేవి, షబానా , ఎదులాపురం తిరుపతి, ప్రొఫెసర్ వీరన్న నాయక్, తాళ్లపల్లి ఆశీర్వాదం, జగన్ ,ఐలయ్య మాజీ సర్పంచ్ రాజయ్య, తాళ్ల పెళ్లి కుమార్ , గ్రామాల మహిళా అధ్యక్షులు,సభ్యులు తదితరులు పాల్గొన్నారు