ప్రీస్కూల్ ఆక్టివిటీస్ తో చిన్నారులకు మేధాశక్తి పెరుగుతుంది  ఐసిడిఎస్ సూపర్వైజర్ శైలజ 

జగిత్యాల / బీర్పూర్  జులై 25 (ప్రజా మంటలు) : 

ప్రీస్కూల్ యాక్టివిటీస్ తో చిన్నారి పిల్లలకు మెరుగైన మేధాశక్తి పెరుగుతుందని ఐసిడిఎస్ సూపర్వైజర్ శైలజ అన్నారు. శుక్రవారం ధర్మపురి ఐసిడిఎస్ ప్రాజెక్టు పరిధిలోని బీర్పూర్ మండలం చిత్రవెనిగూడెం గ్రామంలోని అంగన్వాడీ కేంద్రంలో కలర్స్ థెరపీ పరిచయ కార్యక్రమం ఘనంగా నిర్వహించారు. ఈ సందర్భంగా శ్రావణ శుక్రవారం సందర్భంగా అమ్మవారికి ఇష్టమైన ఎరుపు రంగు కలర్ను పిల్లలకు ఎప్పటికీ గుర్తుండకై కలర్స్ థెరఫీ పరిచయంకై పిల్లలు టీచర్లు అందరూ ఎరుపు రంగు దుస్తులు ధరించికొని ఎరుపు రంగులో ఉన్నా  పండ్లు, కూరగాయలు, వివిధ రకాల ఎరుపు రంగు వస్తువులతో  కార్యక్రమాలను ఘనంగా నిర్వహించారు. ఈ సందర్భంగా సూపర్వైజర్ శైలజ మాట్లాడుతూ శ్రావణమాసం మొదటి రోజున  అమ్మవారి పూజ కార్య క్రమం నిర్వహించడం ఎంతో ఆనందదాయకం అని అన్నారు.

శ్రావణ మాసం ప్రారంభంలోనే పిల్లలు, తల్లులు తగు జాగ్రత్తలు పాటించాలని వాతావరణంలో మార్పులు ఏర్పడి వర్షాల ప్రభావంతో కలుషిత నీరు , దోమలు , క్రిములతో అనారోగ్య పరిస్థితిలకు ఎక్కువ దారితీస్తుంది కాబట్టి తగు జాగ్రత్తలు తీసుకొని పిల్లలకు గోరువెచ్చని నీళ్లను త్రాగించాలి అదేవిధంగా పోషక విలువలతో కూడిన ఆహారాన్ని అందించాలి అని తెలిపారు. అంగన్వాడి కేంద్రంలో ప్రతినెల ప్రణాళిక ప్రకారం సిలబస్ నిర్దేశించి వారికి మంచి ఆహారతో పాటు ప్రీ స్కూల్ విద్యను నేర్పిస్తున్నామని అన్నారు.  

ఈ కార్యక్రమంలో పంచాయతీ కార్యదర్శి లివిన్ కుమార్, ఆదిత్య రాజ్ , అంగన్వాడీ టీచర్లు సీతు బాయీ , హనుమక్క, సుమలత , అంగన్వాడి ఆయాలు, తల్లులు తదితరులు పాల్గొన్నారు.