రసాయన ఫ్యాక్టరీ పేలుడుపై మానవహక్కుల కమీషన్. నోటీసులు

హైదరాబాద్ జూలై 01(ప్రజా మంటలు):

మీడియాలో నివేదించబడిన రెండు తీవ్రమైన సంఘటనలను  తెలంగాణ మానవ హక్కుల కమిషన్ స్వయంగా స్వీకరించింది.

మొదటి కేసులో, సంగారెడ్డి జిల్లా పాశమైలారంలో ఉన్న సిగాచి ఇండస్ట్రీస్ లిమిటెడ్‌లో 30.06.2025న జరిగిన భారీ పేలుడు మరియు అగ్నిప్రమాదంలో దాదాపు 42 మంది ప్రాణాలు కోల్పోగా, 35 మందికి పైగా కార్మికులు గాయపడ్డారని, వారిలో చాలామంది వలస కార్మికులు అని తెలుస్తోంది. పారిశ్రామిక భద్రతలో లోపాలు మరియు కార్మికుల హక్కుల ఉల్లంఘనలపై కమిషన్ తీవ్ర ఆందోళన వ్యక్తం చేసింది మరియు జిల్లా కలెక్టర్, కార్మిక కమిషనర్, అగ్నిమాపక సేవల డైరెక్టర్ జనరల్ మరియు సంగారెడ్డి పోలీసు సూపరింటెండెంట్‌తో సహా సంబంధిత అధికారులకు నోటీసులు జారీ చేయబడ్డాయి, 30.07.2025 నాటికి వివరణాత్మక నివేదికలు ఇవ్వాలని కోరింది.

ఖమ్మం రైతు ఆత్మహత్య
రెండవ కేసులో, ఖమ్మం జిల్లా, కూసుమంచి మండలం, ధర్మతండకు చెందిన రైతు జర్పుల పరశురాం విషాదకరంగా ఆత్మహత్య చేసుకున్న సంఘటనను కమిషన్ పరిగణనలోకి తీసుకుంది. సాక్షి తెలుగు దినపత్రిక తేదీ: 01.07.2025న ఈ విషాదకర ఆత్మహత్య జరిగింది. తన కుమార్తె కోమాలో ఉండటం, ఆమెకు సంబంధించిన భూమికి సంబంధించిన సమస్యల కారణంగా ఆర్థిక ఇబ్బందులకు గురై ఆత్మహత్య చేసుకున్నట్లు తెలుస్తోంది. ఉచిత వైద్య సహాయం అందించడం, కుటుంబానికి సామాజిక-ఆర్థిక సహాయం అందించడం, పట్టాదార్ పాస్‌బుక్ జారీ చేయకపోవడానికి గల కారణాలపై నివేదిక కోరుతూ ఖమ్మం జిల్లా కలెక్టర్‌కు నోటీసు జారీ చేశారు.