దివ్యాంగుల ఆరోగ్య సంరక్షణలో వైద్య నిపుణులకు శిక్షణ

సికింద్రాబాద్,జూలై 26 (ప్రజా మంటలు): 

 దివ్యాంగులకు సమగ్రమైన ఆరోగ్య సంరక్షణను అందించడం అనే అంశంపై  భాగంగా శనివారం నాడు గాంధీ మెడికల్ కళాశాలలో వైద్య నిపుణులకు శిక్షణ అందించారు. కమ్యూనిటీ మెడిసిన్ డిపార్ట్మెంట్ హెచ్ఓడి  ప్రొఫెసర్ డా.కోటేశ్వరమ్మ  ఆధ్వర్యంలో నిర్వహించిన వికలాంగతకు అతీతమైన సామర్థ్యాలు సమగ్ర మరియు స్థిరమైన రేపటి కోసం సమగ్ర రోడ్ మ్యాప్ అనే థీమ్ తో సీపీడీ కార్యక్రమాన్ని నిర్వహించారు. ఈ కార్యక్రమాన్ని ప్రారంభించిన గాంధీ వైద్య కళాశాల ప్రిన్సిపల్ డాక్టర్ ఇందిర మాట్లాడుతూ... వైద్యులకు వృత్తిపరమైన శిక్షణ ఎంతో అవసరమని  అన్నారు. సేవా భావంతో ఇలాంటి  కార్యక్రమాన్ని ఏర్పాటు చేసినందుకు కమ్యూనిటీ డిపార్ట్మెంట్ వారిని అభినందించారు. కమ్యూనిటీ మెడిసిన్ సైకియాట్రి సైకాలజీ విభాగాల నుండి పలువురు వక్తలు కార్యక్రమాల్లో పాల్గొని సమాజం మొత్తం భాగస్వామ్యంగా ఉండే విధంగా ఆరోగ్య విధానాలు మానసిక ఆరోగ్యం మరియు కమ్యూనిటీ స్థాయిలో దివ్యాంగుల మద్దతు గురించి విలువైన అభిప్రాయాలను తెలిపారు. ఈ కార్యక్రమంలో వైస్ ప్రిన్సిపాల్ లు డాక్టర్ రాజారామ్ డాక్టర్ రవి శేఖర్ రావు ఎస్ పిఎం డిపార్ట్మెంట్ డాక్టర్లు అస్మా మౌనిక రజిత ప్రఫూల్ ఎస్ ఓ రాజ్ కుమార్, డాక్టర్ సుస్మిత ఎంపీహెచ్ఓ వేణుగోపాల్ గౌడ్ తదితరులు పాల్గొన్నారు.