విద్యార్థుల దృష్టి కెరీర్ మీదనే ఉండాలి ట్రాఫిక్ ఎస్ఐ మల్లేష్

జగిత్యాల జులై 26 ( ప్రజా మంటలు)
విద్యార్థులు  సామాజిక  అంశాలపై  అవగాహన కలిగి ఉండాలనే ఉద్దేశంతో   అశోక్ కుమార్ , సూపరిండెంట్ ఆఫ్ పోలీస్, జగిత్యాలలో   ప్రారంభించిన " పోలీస్ పాఠశాల కార్యక్రమం" శనివారం   ట్రాఫిక్ ఎస్.ఐ మల్లేష్ ఆధ్వర్యంలో గౌతమ్ మోడల్  స్కూల్లో  విద్యార్థులకు అవగాహన కార్యక్రమం నిర్వహించారు

 ట్రాఫిక్ ఎస్ఐ మాట్లాడుతూ విద్యార్థుల దృష్టి కేవలం కెరీర్  పైనే ఉండాలని అన్నారు.
ట్రాఫిక్ నియమాలు, సైబర్ నేరాల నివారణ, గంజాయి వల్ల కలిగే అనర్థాల గురించి  విద్యార్థుల్లో చిన్నప్పటి నుండే అవగాహన పెంపొందిస్తే, రాబోయే రోజుల్లో బాధ్యతాయుతమైన పౌరులుగా తీర్చిదిద్దవచ్చు అనే ఉద్దేశంతో  జిల్లా ఎస్పి  అశోక్ కుమార్ ఆలోచన మేరకు *పోలీస్ పాఠశాల* అనే ప్రత్యేక కార్యక్రమం ప్రారంభించడo జరిగింది. అందులో బాగంగా శనివారం ట్రాఫిక్ ఎస్.ఐ మల్లేష్ ఆద్వర్యం లో జిల్లా కేంద్రం లో  నిర్వహించిన  అవగాహన  కార్యక్రమంలో ఆయన పాల్గొన్నారు.
  

 పిల్లలకు సమాజం లో జరిగే సామాజిక అంశాలపై సరైన  అవగాహన కల్పిస్తే, రేపటి సమాజం మరింత భద్రమవుతుంది అనే ఉద్దేశంతో పోలీస్ పాఠశాల  కార్యక్రమాన్ని ప్రారంభించి విద్యార్థులకు అవగాహన కార్యక్రమాలు నిర్వహించడం జరుగుతుందన్నారు.

ట్రాఫిక్ నియమాలు, రోడ్డు ప్రమాదాల నివారణకు తీసుకోవలసిన చర్యలు సురక్షిత ప్రయాణ పద్ధతులు ,రోడ్డు పై ఎలా సురక్షితంగా నడవాలి, రోడ్డు దాటేటపుడు పాటించవలసిన నియమాలు ,సైకిల్ నడిపేటప్పుడు, కుటుంబ సభ్యులతో కార్, బస్సుల్లో ప్రయాణించేటప్పుడు తీసుకోవాలసిన జాగ్రత్తలు,హెల్మెట్, సీటుబెల్ట్ వాడక ప్రాముఖ్యత,రోడ్ల పై మొబైల్ వాడకం వల్ల జరిగే ప్రమాదాలు,రోడ్డు ప్రమాదాలు జరిగినపుడు,అత్యవసర పరిస్థితుల్లో తీసుకోవాల్సిన చర్యలు అవగాహన  కల్పించడం జరిగినది.

సైబర్ నేరాల పట్ల అప్రమత్తంగా ఉండాలని, ఒకవేళ సైబర్ నేరానికి గురి అయినట్లయితే వెంటనే టోల్ ఫ్రీ నెంబర్ 1930కి సమాచారం ఇవ్వాలని అవగాహన కల్పించారు. ప్రస్తుతo Digital arrest , Job Fraud , Cyber slavery, Cyber stalking ,APK ఫైల్ని ఉపయోగించి నకిలీ కస్టమర్ కేర్ మోసాలు, ఎక్కువగా జరుగుతున్నాయని వీటి పైన జాగ్రత్తగా ఉండాలని సూచించారు.

అదేవిధంగా వాట్స్అప్, ఫేస్బుక్, ఇన్స్టాగ్రామ్ వంటి సోషల్ మీడియా ను ఎక్కువ వాడుతున్నారు కాబట్టి వాటిని వాడేటప్పుడు తీసుకోవాల్సిన జాగ్రత్తలను సూచించారు. విద్యార్థులు తమ  దృష్టి కెరీర్ మీద మాత్రమే ఉండాలని,నిషేధిత డ్రగ్స్ మరియు ఇతర మత్తు పదార్థాల వాడకం పట్ల విద్యార్థులు ఆకర్షితులు కావద్దని సూచించారు. ఈ యొక్క కార్యక్రమాల ద్వారా నేర్చుకున్న విషయాలను తమ తల్లిదండ్రులకు ఇంటి దగ్గర ఉన్న చుట్టుపక్కల వారికి వివరించి రోడ్డు ప్రమాదాలు నివారించడానికి వారియర్స్ గా పని చేయాలని కోరారు.

ఈ యొక్క కార్యక్రమంలో ప్రిన్సిపాల్ అరుంధతి మరియు ట్రాఫిక్ సిబ్బంది సంతోష్ ,లక్ష్మీనారాయణ, లక్ష్మణ్, ఉపాధ్యాయులు, పాల్గొన్నారు.