పట్టణ కురుమ సంఘం ఆధ్వర్యంలో బీరప్ప, మహంకాళి అమ్మవార్లకు ఘనంగా పసక బోనం సమర్పణ

 జగిత్యాల జూన్ 24 ( ప్రజా మంటలు)
పట్టణ కురుమ సంఘం ఆధ్వర్యంలో శ్రీ బీరప్ప అక్క మహంకాళి స్వామివార్లకు పసక బోనం సమర్పించడం జరిగింది.
 ఈ పసక బోనం ను ప్రతి సంవత్సరం కురుమల కుల దైవమైన బీరప్ప దేవునికి సమర్పించుకోవడం అనవాయితీగా జరుగుతుందనీ అన్నారు.

 కురుమ కులస్తులు ప్రతి సంవత్సరం తొలకరి వర్షాలు పడే ముందు  వారి కులదైవం అయిన బీరప్ప మరియు అక్క  మహంకాళి కి ఈ బోనం ను సమర్పించుకోవడం ద్వారా  వారి యొక్క వృత్తి  అయినటువంటి గొర్రెలు ,మేకల సంతతి అభివృద్ధి చెందాలని, వర్షాలు బాగా కురిసి పచ్చని గడ్డి మేత విరివిగా లభించాలని కోరుకుంటారు.
 

స్వామీ వార్లకు ఒగ్గు డోలు,డప్పు వాయిద్యాలతో బోనం సమర్పించి ,ఈ సంవత్సరం వర్షాలు బాగా కురిసి మంచి పంటలు పండాలని ,అలాగే కురుమ కులస్తులు అందరూ బాగుండాలని ఆ దేవుళ్ళని వేడుకున్నారు. 

  జగిత్యాల పట్టణ కురుమ సంఘం ఆధ్వర్యంలో జరిగిన పసక బోనం* కార్యక్రమంలో పట్టణ కురుమ సంఘం అధ్యక్షులు పుల్ల మల్లయ్య ప్రధాన కార్యదర్శి పుల్ల మహేష్ ,ఉపాధ్యక్షుడు పుల్ల మహేష్, సంయుక్త కార్యదర్శి లోడెపు మల్లికార్జున్, కోశాధికారి మొగుళ్ల పోచమల్లయ్య, కార్యవర్గ సభ్యులు అలాగే కుల పెద్దలు అయిన పెద్ద కురుమ కుటుంబ సభ్యులు మరియు పట్టణ కురుమ సంఘం కుల సభ్యులు , ఒగ్గు కళాకారులు అందరూ భక్తి శ్రద్ధలతో పాల్గొని,కార్యక్రమాన్ని విజయవంతం చేశారనీ నిర్వాహకులు తెలిపారు.