సాయి గీత ఆశ్రమంలో ఘనంగా యోగా  దినోత్సవం   - భక్తులకు సద్గురు డాక్టర్ సాయి కుమార్ ప్రవచనాలు

సికింద్రాబాద్, జూన్ 22 (ప్రజామంటలు):

ఇంటర్నేషనల్ యోగా దినోత్సవం సందర్బంగా శనివారం మేడ్చల్ లోని సాయి గీత ఆశ్రమం వ్యవస్థాపకులు సద్గురు డాక్టర్ సాయి కుమార్ ఆధ్వర్యంలో   యోగా ఉత్సవాలు నిర్వహించారు. ఈసందర్బంగా మాట్లాడుతూ..యోగా అనేతి శరీరోగ్యం, మానసిక స్వస్థత, ఆధ్వ్యాత్మిక శాంతిని అందించే  మహా విజ్ఞాన ప్రక్రియ అని అన్నారు. సృష్టిలో ఉన్న 33 కోట్ల జీవ జంతువులకీ ఒక్క యోగాను అనుసరిస్తూ పురాణ రుషులు వాటిని ఆధారంగా తీసుకొని యోగా విధానాన్ని అభివృద్ది చేశారని పేర్కొన్నారు. సూర్య కిరణాల చెట్ల ద్వారా శరీరంలోని ఏడు చక్రాలను ప్రభావితం చేసి అనేక రోగాలను నివారిస్తాయని చెప్పారు. ఈ శ్వాసక్రియ శరీరంలోని 72వేల నాడులను శుద్ది చేస్తుందన్నారు. పక్షవాతం, క్యాన్సర్, హార్ట్ అటాక్ వంటి వ్యాధులకు కారణమైన నాడి బ్లాకేజీలను తొలగించడంలో సహాయపడుతుందని వివరించారు. సూపర్ యోగా అనగా సూర్యోదయానికి పూర్వం లేచి ఇంట్లో మానవుడు తన పని తాను చేసుకోగలిగితే ఆరోగ్యకరమైన జీవితాన్ని గడపగలరని అన్నారు. ఏమి తినాలి, ఎలా తినాలి ఎంత తినాలి వంటి ఆరోగ్యకర జీవనశైలి గురించి అవగాహన కల్పించారు. ఈసందర్బంగా ఆశ్రమానికి వచ్చిన వందలాది మంది భక్తులు ఈసందర్బంగా సూర్య నమస్కారం, మండూక యోగ, ప్రాణాయామం,మర్కట యోగా వంటి యోగాసనాలను ప్రదర్శించారు.  ప్రతి శని, ఆదివారాలు ఉదయం 8 నుంచి 9 గంటల వరకు సాయి గీత ఆశ్రమంలో యోగా శిక్షణ కార్యక్రమాలు నిర్వహిస్తున్నట్లు ఆర్గనైజర్లు తెలిపారు.