శ్రీ రాధా రుక్మిణి సత్యభామ సమేత మధన వేణుగోపాలస్వామి బ్రహ్మోత్సవాలలో భాగంగా ఘనంగా పూలంగి సేవ, తులాభారం ,దీపాలంకరణ 

                          సిరిసిల్ల. రాజేంద్ర శర్మ 
జగిత్యాల మే 12 ( ప్రజా మంటలు)

పట్టణంలోని బ్రాహ్మణ వీధిలో గల శ్రీ రాధా రుక్మిణి సత్యభామ సమేత శ్రీ మదన వేణుగోపాలస్వామి ఆలయ బ్రహ్మోత్సవాలు గురువారం ప్రారంభం కాగా సోమ వారం   తులాభారం  ,పూలంగి సేవ, సహస్ర దీపాలంకరణ కార్యక్రమం నిర్వహించారు.

తులాభారం కార్యక్రమంలో భాగంగా శ్రీకృష్ణ తులాభారంలోని పద్యాలు పక్కవాద్యాల సహకారంతో ఆలపించారు .ఈ పద్యాలు ఆహుతలను ఎంతగానో అలరించాయి. వైదిక క్రతువులు నంబి వేణుగోపాల ఆచార్య నేతృత్వంలో కొనసాగాయి.

వైదిక క్రతువులలో దెబ్బట. వంశీధరాచార్యులు, కాండూరి  శేషాచార్యులు, కాండూరి వెంకట రమణాచార్యులు, చిలకముక్కు సృజనాచార్యులు, మరింగంటి రోహితాచార్యులు ,నంబి. నృసింహాచార్యులు, వాసుదేవ ఆచార్యులు, అర్చకులు సత్యనారాయణ ఆచార్యులు, నంబి రాంగోపాల్ ఆచార్యులు, పాలెపు వెంకటేశ్వర శర్మ, మహాదేవ శర్మ, తదితరులు నిర్వహించారు.

భక్తులు విశేష సంఖ్యలో పాల్గొని పూలంగి సేవ ,తులాభారం కార్యక్రమం చూసి నేత్రానంద భరితులయ్యారు. వివిధ రూపాల్లో భక్తులు తమ స్వహస్తాలతో దీపాలు వెలిగించి దీపాలంకరణ చేశారు.

ఈ సందర్భంగా ప్రత్యేక వేదికపై  వివిధ రకాల పూలతో అలంకారం చేశారు .విచ్చేసిన భక్తులకు తీర్థప్రసాద వితరణ ,ఆశీర్వచనం, చేసారు .ఆలయాన్ని సంప్రదాయ బద్ధంగా సర్వాంగ సుందరంగా అలంకరించారు. స్వామి అమ్మవార్ల నామస్మరణతో ఆలయమంతా మారుమోగింది.