డిపివో "చీకోటి మదన్ మోహన్ పై" చర్యలు తీసుకోండి - జిల్లా కలెక్టర్ కు పిర్యాదు చేసిన బుగ్గారం వాసులు

అవినీతికి పాల్పడి క్రిమినల్ కేసులు నమోదు చేయడం లేదని ఆరోపణ...?

లోకాయుక్త తీర్పు, జిల్లా మెజిస్ట్రేట్ ఆదేశాలను భే ఖాతర్ చేశారని ఆవేదన

చట్టాలను ఉల్లంఘిస్తున్న జిల్లా పంచాయతీ అధికారులు

విధులను, బాధ్యతలను దుర్వినియోగం చేస్తున్న డిపివో మదన్ మోహన్...??

 బుగ్గారం ఆగస్టు 11 (ప్రజా మంటలు):

చట్టాలను ఉల్లంఘిస్తూ, లోకాయుక్త న్యాయస్థానం తీర్పును, జిల్లా కలెక్టర్, జిల్లా మెజిస్ట్రేట్ ల ఆదేశాల ఉత్తర్వులను కూడా భే ఖాతర్ చేస్తూ, అత్యంత విలువైన తన విధులను,  బాధ్యతలను  దుర్వినియోగం చేస్తున్న జిల్లా పంచాయతీ అధికారి "చీకోటి మదన్ మోహన్ పై" చట్టపరమైన చర్యలు తీసుకోవాలని సోమవారం ప్రజా వాణి లో జిల్లా కలెక్టర్ కు బుగ్గారం వాసులు పిర్యాదు చేశారు.

గత ఎనిమిది నెలల నుండి బుగ్గారం గ్రామ పంచాయతీ నిధుల దుర్వినియోగం పై క్రిమినల్ కేసులు నమోదు చేయకుండా నిర్లక్ష్యం వహిస్తున్నారని తెలంగాణ జన సమితి జిల్లా అధ్యక్షులు, విడిసి వ్యవస్థాపక అధ్యక్షులు చుక్క గంగారెడ్డి, విడిసి కోర్ కమిటి వైస్ చైర్మన్ పెద్దనవేని రాగన్న లు ఆరోపించారు. లోకాయుక్తతో పాటు జిల్లా కలెక్టర్ & జిల్లా మెజిస్ట్రేట్ ల ఆదేశాలు, తెలంగాణ రాష్ట్ర సమాచార కమీషన్ ఆర్డర్లను కూడా తుంగలో త్రొక్కారని వారు జిల్లా కలెక్టర్ కు ఇచ్చిన పిర్యాదు లో పేర్కొన్నారు. జిల్లా కలెక్టర్ కార్యాలయం నుండి జారీ చేయబడిన అనేక ఉత్తర్వులను, సమాచార హక్కు చట్టం దరఖాస్తులను, అప్పీల్లను ఇతర పిర్యాదులను సైతం బుట్ట దాఖలు చేసి పట్టించుకోవడం లేదన్నారు. బుగ్గారం జి.పి.లో భారీగా నిధుల దుర్వినియోగానికి పాల్పడ్డ దోషులతో కుమ్మక్కై వారిపై క్రిమినల్ కేసులు నమోదు చేయకుండా కాపాడుతున్నారని ఆరోపించారు. జిల్లా పంచాయతీ అధికారి చీకోటి మదన్ మోహన్ దోషుల ద్వారా అవినీతికి పాల్పడి తన విధులను, అత్యంత విలువైన బాధ్యతలను విస్మరిస్తున్నారని పలు అనుమానాలను వ్యక్తం చేశారు.

అవినీతి - అక్రమాలతో విధుల్లో నిర్లక్ష్యంగా వ్యవహరించిన డిపివో చీకోటి మదన్ మోహన్ పై 25 సందర్భంలను తెలియ పరుస్తూ చట్టపరమైన చర్యలు తీసుకొని కఠినంగా శిక్షించాలని వారు జిల్లా కలెక్టర్ ను కోరారు.