గొల్లపల్లి పట్టణ పద్మశాలి సేవాసంఘంలో  (జంధ్యాల) నూలుపౌర్ణమి వేడుకలు

(అంకం భూమయ్య) 

గొల్లపల్లి, ఆగస్టు 09 (ప్రజా మంటలు):

గొల్లపల్లి మండలం కేంద్రంలో పట్టణ పద్మశాలి సంఘ భవనంలో  (జంధ్యాల) నూలుపౌర్ణమి వేడుకలు ఘనంగా నిర్వహించారు. శ్రావణమాసంలో వచ్చే రాఖీ పౌర్ణమినీ పద్మశాలి లు నూలు పౌర్ణమి వేడుకలుగా నిర్వహించారు. ఈ సందర్భంగా మండల కేంద్రంలోని సంఘ భవనంలో మార్కండేయుని చిత్రపటానికి పూలమాలవేసి అర్చకుల చే ప్రత్యేక పూజలు నిర్వహించారు.

అనంతరం గాయత్రి మంత్రోపదేశo చేస్తూ సామూహిక యజ్ఞోపవీతం (జంధ్యం) ధరింపజేశారు. సంఘ సభ్యులకు రక్షాబంధనం నిర్వహించారు. ఈ సందర్భంగా సంఘం పట్టణ అధ్యక్షులు చౌటపల్లి తిరుపతి మాట్లాడుతూ నూలు పౌర్ణమి రోజున యజ్ఞోపవీతం మార్చుకోవడం ద్వారా, తమను తాము శుద్ధి చేసుకుంటారని నమ్ముతారన్నారు.నూలు పౌర్ణమి గురు శిష్య సంబంధాన్ని సూచిస్తుందనీ గురువు శిష్యుడికి ఉపదేశం ఇచ్చి, అతని ఆధ్యాత్మిక ప్రగతికి బాటలు వేస్తాడన్నారు.

ఈ కార్యక్రమంలో అధ్యక్షులు చౌటపల్లి తిరుపతి,ప్రధాన కార్యదర్శి అందే లక్ష్మణ్, కోశాధికారి అంకం లింబాద్రి, ఉపాధ్యక్షులు ఎనగందుల  శంకర్, మండల ప్రధాన కార్యదర్శి అంకం భూమయ్య, అంకం లక్ష్మీనారాయణ, ఎనగందుల సుదర్శన్, జక్కుల శ్రీనివాస్, కోమాకుల భూమయ్య,గుండేటి సత్యనారాయణ,ఎల్లే పవన్, అనుమాండ్ల శ్రీధర్ సంఘ సభ్యులు పాల్గొన్నారు.