హెచ్ టి సర్వీసుల మంజూరుకు  సింగిల్  విండో వ్యవస్థ 

జగిత్యాల జూలై 29(ప్రజా మంటలు)

వినియోగదారుల హెచ్ టి. 11 KV , 33 KV ఆ పై వోల్టేజి  సర్వీసుల మంజూరు వేగవంతం చేయడానికి   సింగిల్  విండో వ్యవస్థ ఎంతగానో దోహదపడుతుందని   జగిత్యాల సర్కిల్ సూపెరింటెండింగ్ ఇంజనీర్ బి. సుదర్శనం   స్పష్టం చేశారు .  
హెచ్ టి. 11 KV , 33 KV, ఆ పై వోల్టేజి  సర్వీసుల మంజూరుకు మరింత సరళీకృతం చేయడానికి హెచ్ టి మానిటర్ సెల్ ను సర్కిల్ ఆఫీస్, కార్పొరేట్  ఆఫీస్ లో ఏర్పాటు చేయడం జరిగిందని తెలిపారు .  

ఇందులో భాగంగా  11 KV వోల్టేజి దరఖాస్తులను  సర్కిల్ ఆఫీస్ ఏ.డి.ఈ కమర్షియల్ అధికారి మానిటర్ చేస్తారని,  అలాగే  33 KV వోల్టేజి, ఆపై వోల్టేజి  దరఖాస్తులను  ఏ.డి.ఈ కమర్షియల్ కార్పొరేట్  ఆఫీస్ అధికారి  మానిటర్ చేస్తారన్నారు . 
ఈ సింగిల్  విండో  కొత్త విధానం వలన మొదట వినియోగదారులు  TGNPDCL పోర్టల్‌లో అవసరమైన పత్రాలతో  HT దరఖాస్తులు( టీజీ  ఐపాస్ లో నమోదు కానటువంటివి)   నమోదు చేసుకున్న తర్వాత కొత్త  అప్లికేషన్ నంబర్ (UID) ఉత్పన్నమవుతుంది .  అలా  వచ్చిన కొత్త దరఖాస్తులు  TGNPDCL యొక్క సంబంధిత సర్కిల్‌లలో డాష్ బోర్డులో కనిపిస్తుంది. ప్రతిరోజూ  ADE/కమర్షియల్‌ అధికారులు డాష్ బోర్డుని మానిటర్ చేస్తూ ఉంటారు.. 

దరఖాస్తు  నమోదు చేసుకున్న తర్వాత  11KV , 33 KV ఆ పై వోల్టేజి   దరఖాస్తులు సంబంధిత అధికారులకు ఎస్టిమేట్ల కొరకు పంపించబడుతుందని ,  ADE/కమర్షియల్  సర్కిల్ ఆఫీస్  ఫీల్డ్ స్టాఫ్ ఫీజిబిలిటీ కోసం అవసరమైన మౌలిక సదుపాయాల కోసం లొకేషన్‌ను సందర్శిస్తారు. 33 KV మరియు ఆ పై వోల్టేజి ఎస్టిమేట్లను కార్పొరేట్ ఆఫీస్ అధికారులు అనుమతులు ఇస్తారు. 
ఇక  33KV ఆ పై వోల్టేజి  దరఖాస్తులు  అయితే,  ఆన్‌లైన్‌లో సంబంధిత CE/కమర్షియల్ & RAC/TGTRANSCO హైదరాబాద్  కి  ఫీజిబిలిటీ కోసం పంపించబడుతుంది . 

11KV వోల్టేజి  దరఖాస్తులు పరిశీలించి ఫీజిబిలిటీ ఉంటె  రెండు రోజుల్లో  అప్‌లోడ్ చేయబడుతుంది.   వివిధ కారణాల వల్ల సాధ్యపడకపోతే,  2 రోజులలోపు  ఆ సూచనలు  వినియోగదారునికి SMS  రూపేణా పంపబడుతుంది. అలాగే  33 కె  వి,ఆపై వోల్టేజి  దరఖాస్తులు పరిశీలించి వాటికీ కావాల్సిన మౌలిక వసతుల ఏర్పాటుకు  పొందుపరచిన సమయానుగుణంగా మంజూరు చేయడం జరుగుతుందన్నారు .    

సింగిల్  విండో వ్యవస్థ వలన  త్వరిత గతిన సర్వీసులు మంజూరు  అవుతాయని,  ప్రతి సారి ఆఫీసులకు రాకుండా  ట్రాక్ చేసుకునే సౌకర్యం ఉందని అన్నారు . దీని వలన  అత్యంత పారదర్శకత పెరుగుతుందని,  వినియోగదారులకు  దరఖాస్తుల స్థితి గతులను ఎప్పటి కప్పుడు  ఎస్ ఏం ఎస్ రూపేణా సమాచారం పంపబడుతుందని  వివరించారు .