మెటుపల్లిలో ఇస్కాన్ శ్రీ కృష్ణ జన్మాష్టమి మహోత్సవం

 శ్రీ రాధా గోవర్ధనధారి ఆలయం లో గోకులాష్టమి కార్యక్రమాలు

 మెట్ పల్లి ఆగస్టు 17 (ప్రజా మంటలు దగ్గుల అశోక్):

మెట్ పల్లి -కోరుట్ల మధ్యలో హరే కృష్ణ రోడ్డు, పెద్దపూర్ క్యాంప్ గురుకుల స్కూల్ దగ్గర, చౌలమద్ది శివారులో గల ISKCON శ్రీ శ్రీ రాధా గోవర్ధన ఆలయంలో శ్రీ కృష్ణ జన్మాష్టమి మహోత్సవం అద్భుతంగా, అంగరంగ వైభవంగా జరిగింది.వర్షాన్ని కుడా లెక్కచేయకుండా ఉత్తర తెలంగాణా లోని చాలా ప్రాంతాల నుండి చుట్టుప్రక్కల మండల మరియు గ్రామాల నుండి వేలాదిగా భక్తులు పోటేత్తారు.

భగవంతుడి దివ్యమైన దర్శనం తో, హరినామ సంకీర్తనలతో మందిరం, మందిర పరిసరాల లో గొప్ప ఆధ్యాత్మిక భావనలో భక్తులు పరవశించిపోయారు.భక్తులు మందిరం అంతటా లక్ష పుష్పాలతో అలకరించారు.భగవంతుడి గర్భగుడి లో అనేక రకాల పుష్పా లతో,  ఆభరణాలతో శ్రీ శ్రీ రాధా గోవర్ధనధారి ని అద్భుతంగా అలంకరణ చేశారు, కనివిని ఎరగని విధంగా  అద్భుతమైన దర్శనం తో, మరియు హరినామ సంకీర్తన లతో భక్తులు అందరూ  తన్మయత్వం  తో ఈ భౌతిక మాయ లోకాన్ని మరచి ఆధ్యాత్మిక జగత్తు యొక్క దివ్యమైన ఆనంద భావాన్ని పొందారు.

ఇస్కాన్ మెట్ పల్లి నిర్వాహకులు శ్రీమాన్ నరహరి ప్రభుజీ ద్వారా ప్రవచనం జరిగింది.. శ్రీ కృష్ణ జన్మ వృత్తాంతం, భగవంతుడి ప్రకటన ఉద్దేశం గురించి వివరించారు.
సాయంత్రం 6 గం ల నుండి సాంస్కృతిక కార్యక్రమాలు, సంకీర్తనలు, అభిషేకం, మరియు... అష్టమి తిధి ప్రథమ దివ్య దర్శనం, ప్రథమ దివ్య హారతి అర్థరాత్రి 12గం ల నుండి జరిగింది.
భక్తులు భగవంతుడి ప్రత్యేక దివ్య దర్శనం, సంకీర్తన లతో నృత్యం చేస్తూ గొప్ప ఆనందం పొందారు.అనంతరం భక్తులకు దివ్య ప్రసాద వితరణ జరిగింది.
ఈ రోజు ఇస్కాన్ ఆలయం లో  ISKCON ఫౌండర్ ఆచార్య శ్రీల ప్రభుపాదుల వారి ఆవిర్భావ మహోత్సవం మరియు శ్రీ కృష్ణ జన్మాష్టమి సందర్భంగా నందోత్సవము కార్యక్రమం జరుగును.