కార్గిల్ విజయ్ దివస్ యుద్ధంలో అమరులైన వారికి ఘన నివాళులు

జగిత్యాల జులై 26 ( ప్రజా మంటలు)

కార్గిల్ యుద్ధంలో పాకిస్థాన్‌పై భారత్ సాధించిన విజయాన్ని పురస్కరించుకుని కార్గిల్ విజయ్ దివస్‌ను గురువారం జగిత్యాల పట్టణంలో ఘనంగా నిర్వహించి యుద్ధంలో అమరులైన వారికి నివాళులు అర్పించారు.

నాయకులు  ఏసీఎస్ రాజు, పుప్పాల సత్యనారాయణ కాశీ నాదం మాట్లాడుతూ కార్గిల్ విజయ్ దివస్‌ 27వ వార్షికోత్సవాన్ని పురస్కరించుకుని దేశం కోసం ప్రాణాలర్పించిన మన సైనికుల త్యాగాలకు నివాళిగా శనివారం వారి చిత్రపటానికి పూలమాలలు వేసి నివాళులు అర్పించారు.

కార్గిల్ విజయ్ దివస్ అనేది కార్గిల్ సంఘర్షణ సమయంలో మన దేశ సమగ్రత మరియు సార్వభౌమత్వాన్ని కాపాడేందుకు ధైర్యంగా పోరాడిన మన సాయుధ దళాల ధైర్యసాహసాలు మరియు త్యాగాలను గౌరవించే ముఖ్యమైన సందర్భం. ఈ మహత్తరమైన రోజును భావితరాలకు అందించే విధంగా మనమందరం పాటుపడాలని అన్నారు.

ఈ కార్యక్రమంలో రాష్ట్ర ఉపాధ్యక్షులు మాజీ కౌన్సిలర్  ఏ సి ఎస్ రాజు  , చిట్ల గంగాధర్, జిల్లా ప్రధాన కార్యదర్శి అక్కినపెల్లి కాశినాధం ,జిల్లా ఉపాధ్యక్షులు  సింగం గంగాధర్,వేముల పోచమల్లు ,  వేముల దేవరాజం, బషేట్టీ ప్రభాకర్, మాజీ కౌన్సిలర్ బండారి మల్లికార్జున్,ఎడమల వెంకట్ రెడ్డి  , కొత్తకొండ బాలన్న,  బండి సత్యనారాయన, బొందుకురీ శ్రీనివాస్, ఆర్ ఎస్ ఎస్ వీరన్న, అర్బన్ బ్యాంక్ డైరెక్టర్ ఎండి శమియుద్ధిన్  తదితరులు పాల్గొన్నారు.