ధర్మపురి మండల కేంద్రంలో  పర్యటించిన జిల్లా కలెక్టర్ బి.సత్యప్రసాద్

(గొల్లపల్లి ధర్మపురి ) జూలై 05 (ప్రజా మంటలు):

జిల్లా కలెక్టర్ సత్యప్రసాద్ శనివారం ధర్మపురి మండల కేంద్రంలో  పర్యటించారు.ఈ సందర్భంగా ప్రభుత్వ పాఠశాలను పరిశీలించి, ప్రమాదకర స్థితిలో ఉన్న తరగతి గదులను తక్షణమే కూల్చి వేయాలని సంబంధిత అధికారులను ఆదేశించారు.

తరువాత సానిటేషన్ అంశంపై అధికారులతో సమీక్షించారు. డ్రైనేజీ,కాలువలను ఎప్పటికప్పుడు శుభ్రంగా ఉంచి పరిశుభ్రత కోసం తగిన చర్యలు తీసుకోవాలని సూచించారు. రానున్న రోజుల్లో వర్షాలు అధికంగా కురిసే అవకాశం ఉండటంతో గోదావరి తీర ప్రాంతాన్ని పరిశీలించి,లోతట్టు ప్రాంత ప్రజలను అప్రమత్తం చేసేందుకు ముందస్తు ఏర్పాట్లు చేయాలని ఆదేశాలు ఇచ్చారు.తరువాత ఇందిరమ్మ ఇళ్ల నిర్మాణ పనులను పరిశీలించిన కలెక్టర్ నిర్మాణాన్ని వేగవంతం చేయాలని సూచించారు.అనంతరం మున్సిపల్ అధికారులు నిర్వహించిన వనమహోత్సవంలో పాల్గొని స్వయంగా చెట్లు నాటారు.

ధర్మపురి కేంద్రంలో స్వయం ఉపాధితో అగరత్తులు తయారు చేస్తున్న వారిని కలసి,తయారీ విధానాల గురించి అడిగి తెలుసుకున్నారు.వారిని ప్రోత్సహిస్తూ మరింత పరిమాణంలో ఉత్పత్తి చేసే విధంగా ప్రణాళికలు రూపొందించుకోవాలని సూచించారు.ఈ కార్యక్రమంలో మున్సిపల్ కమిషనర్ మరియు ఇన్చార్జ్ తహసిల్దార్,మరియు సంబంధిత అధికారులు పాల్గొన్నారు