మంత్రి అడ్లూరి లక్ష్మణ్ కుమార్ ను గజమాలతో సత్కరించిన ఎమ్మెల్యే డా.సంజయ్

జగిత్యాల జూన్ 11 ( ప్రజా మంటలు)

తెలంగాణ రాష్ట్ర క్యాబినెట్ మంత్రివర్యులుగా ప్రమాణ స్వీకారం చేసి జగిత్యాల జిల్లా కేంద్రానికి  విచ్చేసిన అడ్లూరి లక్ష్మణ్ కుమార్  జగిత్యాల ఎమ్మెల్యే క్యాంప్ ఆఫీస్ కు మొదటిసారి రాగా మొక్కను అందజేసి,గజమాల తో ఘన స్వాగతం పలికిన జగిత్యాల ఎమ్మెల్యే డా సంజయ్ కుమార్ 

పాల్గొన్న కోరుట్ల కాంగ్రెస్ ఇంచార్జీ జువ్వాడి నర్సింగ రావు,నియోజకవర్గ ముఖ్య నాయకులు, కార్యకర్తలు, వివిధ కుల సంఘాల నాయకులు,ఉద్యోగ సంఘాల నాయకులు,తదితరులు పాల్గొన్నారు.

మంత్రి మాట్లాడుతూ,సామాజిక న్యాయం కాంగ్రెస్ తోనే సాధ్యమన్నారు.జగిత్యాల నియోజకవర్గాన్ని రాష్ట్రంలోనే అగ్ర స్థానంలో ఉండేలా ప్రయత్నం చేస్తామన్నారు.

జనాభా కి తగినట్టు చట్ట సభల్లో హక్కు ఉండాలన్నారు. కాంగ్రెస్ పార్టీ అండతో చిన్న కార్యకర్త స్తాయి నుండి మంత్రి గా ఎదగడం కాంగ్రెస్ తోనే సాధ్యమన్నారు.

రాహుల్ గాంధీ ఆదేశం తో రాష్ట్రం లో రేవంత్ రెడ్డి  బీసీ కులగణన నిర్వహించారనీ మంత్రి అడ్లూరి తెలిపారు. దేశంలో ఎక్కడాలేని విదంగా రాష్ట్రంలో సంక్షేమ పథకాలు అమలవుతున్నాయన్నారు.

59 వేల మంది నిరుద్యోగ యువతి యువకులకు ఉద్యోగాల కల్పన..

జగిత్యాల నియోజకవర్గానికి రోల్లవాగు,మెడికల్ కాలేజీ,ఇతర అనేక అభివృద్ధి కార్యక్రమాలకు తన వంతుగా సహకారం ఉంటుందన్నారు.