ఈ ఏడాది ఘనంగా బల్కంపేట ఎల్లమ్మ కళ్యాణోత్సవం    హపీసీసీ వైస్ ప్రెసిడెంట్ డాక్టర్ కోట నీలిమ

మంత్రులు కొండా సురేఖ, పొన్నం ప్రభాకర్ ప్రభుత్వం తరుపున అమ్మవారికి పట్టువస్త్రాలు సమర్పించారు 

సికింద్రాబాద్, జూలై01 (ప్రజామంటలు):

బల్కంపేట ఎల్లమ్మ జమదగ్నిల కళ్యాణోత్సవం ఈ ఏడాది ఘనంగా నిర్వహించామని పీసీసీ వైస్ ప్రెసిడెంట్, సనత్ నగర్ నియోజకవర్గ ఇన్‌ఛార్జ్ డాక్టర్ కోట నీలిమ తెలిపారు. అమ్మవారికి మంత్రులు కొండా సురేఖ, పొన్నం ప్రభాకర్ ప్రభుత్వం తరుపున పట్టువస్త్రాలు సమర్పించారని పేర్కొన్నారు.

భక్తులు పెద్ద సంఖ్యలో అమ్మవారి కల్యాణోత్సవాన్ని తిలకించేందుకు తరలివచ్చారని ఆమె మంగళవారం మీడియాతో మాట్లాడుతూ తెలిపారు.

అమ్మవారి కల్యాణోత్సవాన్ని ప్రత్యక్షంగా చూడడం అదృష్టం అన్న కోట నీలిమ ఎలాంటి ప్రకృతి వైపరీత్యాలు, అనారోగ్యాలు లేకుండా చూడాలని, పంటలు బాగా పండి ప్రజలు సంతోషంగా ఉండాలని ఆ దేవతను మొక్కుకున్నానని తెలిపారు. గతంతో పోలిస్తే కళ్యాణోత్సవం ఈ సారి మరింత ఘనంగా జరిగిందన్నారు. ప్రొటోకాల్ సమస్యలు లేవని వివరించారు. ఈ ఏడాది ఉత్సవాల నిర్వహణపై ప్రత్యేక దృష్టి సారించామని తెలిపారు.

ఉత్సవాల విజయవంతానికి దాదాపుగా నెల నుంచి ప్రతి రోజు ఆలయాన్ని సందర్శించి ఆయా డిపార్ట్ మెంట్ అధికారులతో, పెద్దలతో, స్థానికులతో, భక్తులతో దాదాపు 100కు పైగా సమీక్ష సమావేశాలు నిర్వహించామని తెలిపారు. అన్ని వర్గాల నుంచి సలహాలు, సూచనలు స్వీకరించి వాటికి అనుగుణంగా జాతర నిర్వహించామన్నారు. దాని పలితంగానే ఈ రోజు  అమ్మవారి కళ్యాణం కన్నుల పండుగగా అత్యంత ఘనంగా జరిగిందన్నారు.  బోనాల పండగ నేపథ్యంలో ప్రభుత్వం రూ.20 కోట్లు మంజూరు చేసిందన్నారు. కళ్యాణోత్సవ విజయవంతానికి కృషి చేసిన ఆలయ సిబ్బందిని, ట్రస్ట్ బోర్డును, జీహెచ్ఎమ్సీ, పోలీస్ సహా అన్ని శాఖల అధికారులను అభినందిస్తున్నామని తెలిపారు. ఈ పండగను తమ ఇంటి పండగలా భావించి విజయవంతం చేసిన ప్రజలకు ఈ సందర్భంగా ప్రత్యేక కృతజ్ఞతలు తెలిపారు.