సమయస్ఫూర్తితో వ్యక్తి ప్రాణాలను కాపాడిన ధర్మపురి సిఐ, రామ్ నరసింహారెడ్డి

గొల్లపల్లి జూన్ 30 (ప్రజా మంటలు): 

కుటుంబ కలహాలు భార్యాభర్తల మధ్య మనస్పర్థల నేపథ్యంలో  ఓ వ్యక్తి సెల్ టవర్ ఎక్కి ఆత్మహత్య కు ప్రయత్నించిన ఘటన సోమవారం ధర్మపురి పట్టణంలో కలకలం రేపింది వ్యక్తి ఆత్మహత్యయత్నానికి సంబందించిన సమాచారం అందుకున్న ధర్మపురి పోలీస్ సీఐ  రామ్ నర్సింహా రెడ్డి హుటాహుటిన తన సిబ్బంది తో ఘటనా స్థలానికి చేరుకొని సమయస్ఫూర్తితో వ్యవహరించి అతని  ప్రాణాలను కాపాడి ధర్మపురి సిఐ పలువురి మన్ననలను అందుకున్నారు.

వివరాల్లోకి వెళితే సోమవారం  మధ్యాహ్నం 1.00 గంటల ప్రాంతంలో గడిపెళ్లి గోపి (గోపాల్) (42) సంవత్సరాలు ధర్మపురి నివాసుడు, తన భార్యతో కుటుంబ విషయంలో గొడవపడి  ధర్మపురి పోలీస్ స్టేషన్ సమీపంలో ఉన్న సెల్ టవర్ ఎక్కి ఆత్మహత్య ప్రయత్నం చేసుకోపోగా సమాచారం అందుకున్న ధర్మపురి సి.ఐ ఎ.రామ్ నర్సింహ రెడ్డి వెంటనే స్పందించి, హుటాహుటిన పోలీస్ సిబ్బంది యుక్తంగా అక్కడకు వెళ్లి, ఫైర్ ఇంజన్ పిలిపించి, ఫైర్ ఇంజన్ లో వున్న వైర్లెస్ మైక్ తో తన కూతురు మరియు భార్యతో అతనితో  మాట్లాడించి సిఐ  రామ్ నర్సింహా రెడ్డి సైతం అతనితో మాట్లాడి, తనకు నచ్చచెప్పిగా అతడు ఎట్టకేలకు సుమారు ఒక గంటన్నర తరువాత టవర్ పైనుంచి కిందికి దిగాడు,

వెంటనే అతన్ని సిఐ  పోలీస్ వాహనంలో స్తానీక ప్రభుత్య హాస్పిటల్ తరలించి, చికిత్స అందించారు. ధర్మపురి సిఐ ఎ.రాంనర్సింహ రెడ్డి సమయస్ఫూర్తి తో స్పందించి ఒక వ్యక్తి ప్రాణాలను కాపాడినారని స్థానికులు సిఐ రామ్ నర్సింహా రెడ్డి తోపాటు,  పోలీస్ సిబ్బందిని, ఫైర్ సిబ్బందిని ధర్మపురి పట్టణ వాసులు అభినందించినారు.