సిఐటియూ ఆధ్వర్యంలో ఘనంగా 139వ మేడే వేడుకలు

సిఐటియూ జెండాను  ఆవిష్కరించిన 
మండల సిఐటియు  అధ్యక్షుడు జంగిలి ఎల్లయ్య

గొల్లపల్లి మే 01 (ప్రజా మంటలు):

గొల్లపల్లి మండల కేంద్రంలోని ట్రాలీఆటోలు పంచాయతీ కార్మికులు సీఐటీయూ ఆధ్వర్యంలో అంబేద్కర్ చౌరస్తా నుండి ఎర్ర జెండాలతో ర్యాలీగా వచ్చి మండల ప్రజా పరిషత్ కార్యాలయం వద్ద సి.ఐ.టి.యూ. యూనియన్ అధ్యక్షుడు జంగిలి ఎల్లయ్య జెండా ఆవిష్కరించారు.

ఈ సందర్భంగా  మాట్లాడుతూ కార్మికులు తమ హక్కుల కోసం రక్తం చిందించి పోరాడి సాధించిన రోజే మేడే వేడుకలను చేసుకోవడం జరుగుతుందని  అన్నారు .ప్రపంచ కార్మికులను ఏకం చేసి హక్కులను సాధించుటకు, ప్రాణాలను సైతం లెక్కచేయకుండా పోరాటం చేయడం జరిగిందని తెలిపారు. అమెరికాలోని చికాగో పట్టణంలో కార్మికులు 18 గంటలు పని దినాన్ని వ్యతిరేకిస్తూ, 8 గంటల పని దినాలు కావాలని జరిపిన ప్రదర్శన పై అమెరికా పోలీసులు జరిపిన కాల్పుల్లో 8 మంది కార్మికులు బలయ్యారని గుర్తు చేశారు.

అమెరికాలోని చికాగో నగరంలో ప్రాణాలు అర్పించిన నాయకులను స్మరించుకున్నారు.వారి పోరాట బాటలో మరింత పోరాటాలకు సిద్ధంగా ఉండాలని మండల గ్రామ పంచాయతీ కార్మికులకు  అన్నారు.

ఈ కార్యక్రమంలో మండల సిఐటియు  అధ్యక్షులు జంగిలి ఎల్లయ్య ఉపాధ్యక్షులు తడగొండ సురేష్ , చెవుల మద్ది రాజయ్య, సామల వీరాస్వామి, శాతల మహేష్ , సిపెళ్లి సాయి ఆశ వర్కర్లు ఆటో కార్మికులు అమాలి కార్మి కులు వివిధ గ్రామాల పంచాయతీ కార్మికులు తదితరులు పాల్గొన్నారు