నిబద్దతతో చేసిన పనులే అధికారులకు గుర్తింపునిస్తాయి.. *పదవి విరమణ చేసిన తహసీల్దార్ ఎస్.అశోక్ కుమార్

సికింద్రాబాద్ ఏప్రిల్29 (ప్రజా మంటలు):

కంటోన్మెంట్ నియోజకవర్గం హైదరాబాదు రెవెన్యూ పరిధిలోని తిరుమలగిరి తాహసీల్దార్ ఎస్.అశోక్ కుమార్ పదవీ విరమణ వీడ్కోలు కార్యక్రమం మంగళవారం ఘనంగా జరిగింది.  తిరుమలగిరి పల్లవి స్కూల్ లో నిర్వహించిన అభినందన సభకు  ముఖ్య అతిథులు గా ప్రత్యేక (ఎస్ హెచ్ ఓ) రెవెన్యూ కలెక్టర్ అపర్ణ, హైదరాబాద్  డిస్ట్రిక్ట్ రెవెన్యూ  అధికారి (డిఆర్ఓ) వెంకట చారి,హెచ్ఎండిఏ ఓఎస్డి మనోహర్, సికింద్రాబాద్ ఆర్డీవో పి.సాయిరాం,హైదరాబాద్ ఆర్టీవో రామకృష్ణ,మారేడ్ పల్లి తాసిల్దార్ భూమయ్య, సికింద్రాబాద్ తాసిల్దార్  పాండునాయక్, హిమత్ నగర్ తాసిల్దార్, మాజీ తాసిల్దార్ శ్రీనివాసరావు,జ్యోతి లు హజరయ్యారు.  తహసిల్దార్ ఎస్ ఉమా అశోక్ కుమార్ దంపతులను శాలువా, గజ పూలమాలుతో సన్మానించారు. ఈ సందర్భంగా పలువురు మాట్లాడుతూ ఎస్.అశోక్ కుమార్ తన పదవీ కాలంలో నీతి, నిజాయితీ తో పనిచేశారని,ప్రజలకు నిత్యం అందుబాటులో ఉంటూ మంచి పేరు సంపాదించుకున్నారని పలువురు అభినందించారు. 31 సంవత్సరాల రెండు నెలల పాటు ఉద్యోగబాధ్యతలు నిర్వహించిన ఎస్ అశోక్ కుమార్ పదవీ విరమణ తరువాత జీవితాన్ని ఆరోగ్యంగా కుటుంబంతో సంతోషంగా గడపాలని పలువురు ఉన్నతాధికారులు ఉద్యోగులు ఆకాంక్షించారు. ఈ కార్యక్రమంలోపలు మండలాల తహాసిల్దారులు,సిబ్బంది తదితరులు పాల్గొన్నారు.