హైదరాబాద్–మెడ్చల్ ప్రాంతాల్లో హిజ్రాల రెచ్చగొట్టింపు… గృహప్రవేశంలో ఘోర దాడి—స్థానికుల్లో ఆందోళన

చందానగర్ నవంబర్ 11 (ప్రజా మంటలు):

మెడ్చల్‌ జిల్లా చీర్యాల బాలాజీ ఎన్క్లేవ్‌లో ఆదివారం ఉదయం జరిగిన గృహప్రవేశం వేడుక హింసాత్మక ఘటనకు వేదికైంద. సదానందం అనే వ్యక్తి కుటుంబం గృహప్రవేశం నిర్వహిస్తున్న సమయంలో, కొన్ని హిజ్రాలు వచ్చి రూ.1 లక్ష ఇవ్వాలని డిమాండ్ చేశాయి. అంత పెద్ద మొత్తం ఇవ్వలేమని కుటుంబ సభ్యులు స్పష్టం చేయడంతో, వారు ఆగ్రహంతో తిడుతూ అక్కడి నుంచి వెళ్లిపోయారు.

కానీ కొద్దిసేపటికే పరిస్థితి తీవ్రరూపం దాల్చింది. సుమారు 15 మంది హిజ్రాల గుంపు అక్కడికి తిరిగి వచ్చి, కర్రలు, దండాలతో విచక్షణారహితంగా దాడి చేశారు. సదానందం తలకు సహా పలువురికి గాయాలయ్యాయి. ఈ ఘటన పూర్తిగా సీసీ కెమెరాలో రికార్డు కావడంతో, వీడియోలు స్థానికంగా విస్తృతంగా వైరల్ అవుతున్నాయి.

స్థానికుల్లో భయాందోళనలు — "ఇది మాకు కొత్త కాదు"

మెడ్చల్, చందానగర్, మియాపూర్, బైరాగూడ వంటి పరిసర ప్రాంతాల్లో హిజ్రాల రెచ్చగొట్టింపులు గత కొన్ని నెలలుగా పెరుగుతున్నాయనే ఆరోపణలు వస్తున్నాయి.

స్థానికుల మాటలో—“పోలీసులకు ఫోన్ చేస్తే ఉపయోగం లేదు. మా ఏరియా పోలీస్ అధికారుల నంబర్లు మా దగ్గరే ఉన్నాయి… ఎవరూ ఏం చేయలేరు” అంటూ హిజ్రాలు చెప్పడమే తరచూ వినిపిస్తుంది.

• “పోలీసులు వచ్చినా మా దొంగతనాలు ఒప్పుకోమని, మిమ్మల్ని మేమే అరిచి భయపెడతాం” అని బెదిరింపులు చేస్తున్నారు.
• బూతు మాటలు, అరుపులు, దౌర్జన్యం, డబ్బు డిమాండ్లు—ఇవి ఈ ప్రాంతాల్లో తప్పనిసరి పద్ధతిగా మారిపోయాయని ప్రజలు చెబుతున్నారు.

పోలీసుల స్పందనపై ప్రశ్నల వర్షం

వీడియోలు బయటకు రావడంతో స్థానికుల్లో పోలీసుల నిర్లక్ష్యంపై ఆగ్రహం వ్యక్తమవుతోంది.

• “ఎన్ని ఫిర్యాదులు చేసినా చర్య ఉండడం లేదు,”
• “ప్రతి ఏరియాలోనే డబ్బు డిమాండ్లు, బెదిరింపులు పెరుగుతున్నాయి,”
  అంటూ ప్రజలు సోషల్ మీడియాలో తమ అసహనాన్ని వ్యక్తం చేస్తున్నారు.

   ‘ఇక అయింది  చాలైంది, చర్యలు తీసుకోవాలి’ జనం డిమాండ్

• ఈ ప్రాంతాల్లో ప్రత్యేకంగా పెట్రోలింగ్ పెంచాలి,
• హిజ్రాలపై అتిరేక వసూలు, బెదిరింపుల కేసులు నమోదు చేయాలి,
• సీసీటీవీ వీడియో ఆధారంగా అరెస్టులు జరపాలి,
  అంటూ ప్రజలు ఘాటుగా డిమాండ్ చేస్తున్నారు.

నూతన గృహప్రవేశం లాంటి పుణ్యకార్యాలు కూడా ఇప్పుడు భయంకర వాతావరణంలో జరుగుతున్నాయి. ప్రజలకు రక్షణ ఇవ్వాల్సిన సమయంలో, హిజ్రాల గుంపులు ఇలాంటి దాడులు చేస్తుండగా పోలీసులు చేతులెత్తేసినట్లుగా కనిపించడం ప్రాంతీయుల్లో మరింత కోపం రేకెత్తిస్తోంది.

సీసీ కెమెరా ఫుటేజ్ ఆధారంగా తక్షణ చర్యలు తీసుకోవాలన్న ప్రజా డిమాండ్ పెరుగుతోంది.