ఘనంగా నేషనల్ ఎడ్యుకేషన్ డే వేడుకలు

మౌలానా అబుల్ కలాం ఆజాద్ 137వ జయంతి – జగిత్యాల మైనార్టీ వెల్ఫేర్ డే కార్యక్రమంలో ఎమ్మెల్యే డా. సంజయ్ కుమార్ పాల్గొన్నారు

జగిత్యాల గొల్లపల్లి రోడ్డులో ఉన్న తెలంగాణ మైనార్టీ వెల్ఫేర్ రెసిడెన్షియల్ స్కూల్ (గర్ల్స్) జగిత్యాలలో ప్రముఖ స్వాతంత్ర్య సమరయోధుడు, దేశ తొలి విద్యాశాఖామంత్రి మౌలానా అబుల్ కలాం ఆజాద్ 137వ జయంతి సందర్భంగా మైనార్టీ వెల్ఫేర్ డే & నేషనల్ ఎడ్యుకేషన్ డే వేడుకలు ఘనంగా నిర్వహించారు.

ఈ కార్యక్రమానికి ముఖ్య అతిథిగా హాజరైన జగిత్యాల ఎమ్మెల్యే డా. సంజయ్ కుమార్ గారు విద్యార్థులకు, ఉపాధ్యాయులకు సందేశం ఇచ్చారు. దేశ విద్యా రంగానికి మౌలానా అబుల్ కలాం ఆజాద్ చేసిన సేవలను స్మరించుకొని, ఆయన సిద్దాంతాలను అనుసరించాలని విద్యార్థులను కోరారు.

ఉత్తమ ప్రతిభకు మెమెంటో – ఉపాధ్యాయులకు సత్కారం

వివిధ విభాగాల్లో ఉత్తమ ప్రతిభ కనబరిచిన విద్యార్థులకు మెమెంటోలు అందజేశారు. బోధనా రంగంలో విశిష్ట సేవలందించిన ఉపాధ్యాయులను సత్కరించారు. ఈ సందర్భంగా విద్యార్థుల సాంస్కృతిక ప్రదర్శనలు ఆకట్టుకున్నాయి.

ఈ కార్యక్రమంలో ప్రిన్సిపాల్ సుచిత్ర,నాయకులు అబ్దుల్ ఖాదర్, ముజాహిద్ ఖాన్, జియా, ఖాజిం అలీ,షోయబ్ ఉల్ హాక్, స్వామి రెడ్డి, ప్రభాత్ సింగ్ ఠాగూర్,ఎం.ఏ. ఆరిఫ్ ఫిరోజ్, జమీల్, సయ్యద్ గౌస్, ఫహీం, ఫుర్కాన్,ఉపాధ్యాయులు,విద్యార్థులు,తల్లిదండ్రులు మరియు స్థానిక నాయకులు పాల్గొన్నారు.

సమాజంలో విద్య ప్రాధాన్యం, మైనార్టీల upliftment పై ప్రభుత్వ సంకల్పాన్ని ఈ వేడుకలు ప్రతిబింబించాయి.