చలో ఢిల్లీ వాల్ పోస్టర్ ఆవిష్కరణ

జగిత్యాల జులై 21 ( ప్రజా మంటలు)
 బిసి ల చలో ఢిల్లీ వాల్‍పోస్టర్ ను ఆవిష్కరించిన జగిత్యాల బిసి సంక్షేమ సంఘం నాయకులు.

ఈ సమావేశంలో బిసి సంక్షేమ సంఘం రాష్ట్ర కార్యదర్శి ముసిపట్ల లక్ష్మినారాయణ మాట్లాడుతూ మన దేశ జనాభాలో సగానికి 72% పైగా ఉన్న బీసీలకు పార్లమెంట్ ,అసెంబ్లీ ఎన్నికల్లో 50% రిజర్వేషన్లు కల్పించాలని డిమాండ్ చేస్తూ ఈనెల 23, 24 తేదీలలో "చలో ఢిల్లీ" పేరిట ఓబీసీ జాతీయస్థాయి సదస్సులు నిర్వహిస్తున్నామని తెలిపారు.

ఈ సదస్సులకు తెలంగాణ, ఆంధ్రప్రదేశ్, కర్ణాటక, ఒరిస్సా రాష్ట్రాల నుంచి బీసీలు పాల్గొంటారని చెప్పారు. ఈ మేరకు సోమవారం జరిగిన సమావేశంలో చలో ఢిల్లీకి సంబంధించిన వాల్‍పోస్టర్ ను ఆవిష్కరించారు. కేంద్రంలో బీసీలకు ప్రత్యేకంగా మంత్రిత్వ శాఖ ఏర్పరచాలని, రెండు లక్షల కోట్లతో ప్రత్యేక అభివృద్ధి పథకం చేపట్టాలని డిమాండ్ చేశారు. బీసీలకు చట్టసభల్లో 50% రిజర్వేషన్లు కల్పించాలని డిమాండ్ చేశారు .

    స్థానిక సంస్థల ఎన్నికల్లో బీసీలకు 42 శాతం  రిజర్వేషన్లు కల్పిస్తూ ప్రత్యేక జీవో విడుదల చేసే విషయమై సానుకూల నిర్ణయం తీసుకోవాలని ప్రభుత్వాన్ని డిమాండ్ చేశారు.

గత ఎన్నికల్లో కాంగ్రెస్ ప్రభుత్వం అధికారంలోకి రావడానికి కామారెడ్డి డిక్లరేషన్ లో స్వయానా కర్ణాటక ముఖ్యమంత్రి సిద్ధరామయ్య తో స్థానిక సంస్థల ఎన్నికల్లో బీసీలకు 42% రిజర్వేషన్ కల్పిస్తామని చెప్పినప్పటికీ అధికారంలోకి వచ్చిన తర్వాత దానిని పాటించకపోవడం, భారత రాజ్యాంగంలో ఆర్టికల్ 243 D,T లలో ఉన్న సవరణ రాష్ట్ర ప్రభుత్వానికి రిజర్వేషన్ అమలు చేసేటటువంటి హక్కు ఉన్నది. ఈ విషయమై సానుకూల నిర్ణయం తీసుకోవాలని ప్రభుత్వాన్ని డిమాండ్ చేశారు. 
  బిసి నాయకులు పాల్గొన్నారు.