పాటల ప్రయాణంలో రాజేందర్ మరింత ఉన్నతికి ఎదగాలి. కళాకారులతోనే సమాజ చైతన్యం. జగిత్యాల ఎమ్మెల్యే డాక్టర్ సంజయ్ కుమార్.

జగిత్యాల అక్టోబర్ 25 (ప్రజా మంటలు)

: కవులు, కళాకారుల ద్వారానే సమాజ చైతన్యం సాధ్యమని జగిత్యాల ఎమ్మెల్యే డాక్టర్ సంజయ్ కుమార్ అన్నారు. పట్టణం లోని స్థానిక దేవిశ్రీ గార్డెన్ లో ధర్మపురి మండలం నేరెళ్లకు చెందిన ప్రముఖ జానపద గాయకుడు పలిగిరి రాజేందర్ తను కళారంగంలో 25 ఏళ్ళు పూర్తి చేసుకున్న సందర్బంగా పలిగిరి పాతికెళ్ళ కళా ప్రస్థానం పేరుతో కార్యక్రమం నిర్వహించగా వందల మంది కళాకారులూ, కళాభిమానులు హాజరయ్యారు. ఈ కార్యక్రమానికి ముఖ్య అతిథిగా హాజరైనా ఎమ్మెల్యే డాక్టర్ సంజయ్ కుమార్  మాట్లాడుతూ ఒక కళాకారుని ప్రస్థానంలో ఇంతమంది కళాకారుల అభిమానం సంపాదించుకోవడం, కళాకారులూ అందరు ఒక్క తాటిపైకి వచ్చి రాజేందర్ ను ఆశీర్వదించడం అభినందనీయం అన్నారు.  

కళాకారుల అట పాట ప్రజాప్రతినిధుల గెలుపులో సైతం ప్రముఖ పాత్ర పోషిస్తుందని చెప్పడంలో అతిశయోక్తి లేదన్నారు. తెలంగాణ ఉద్యమం, సామాజిక ఉద్యమం, సామజిక చైతన్యం లో కళాకారుల పాత్ర మరువలేనిదని గుర్తు చేశారు. రాజేందర్ తో గత పదిహేనేళ్లుగా తనతో అనుబంధం ఉందని అయన ప్రతిభతోనే ఈ స్థాయికి ఎదగడం, దానివెనుక అయన కృషి , ఆటుపోట్లు ఎదుర్కొని నిలబడ్డ అయన పట్టుదల అభినందనీయం అన్నారు. భవిష్యత్ లో పలిగిరి రాజేందర్ మరిన్ని విజయాలు సాధించాలని, మరింత ఉన్నతి, పేరు ప్రఖ్యాతలు సాధించాలని ఆకాంక్షించారు.

సమాజంలో కళాకారుల పాత్ర అనిర్వచనీయం అని, మన సంస్కృతి, సంప్రదాయాలని, అంతరించిపోతున్నా కళలను భావి తరాలకు అందించేందుకు ఇలాంటి వేడుకలు మరిన్ని జరగలిసిన అవసరం ఉందన్నారు. డిసీసీ అధ్యక్షులు గజేంగి నందయ్యా మాట్లాడుతూ పలిగిరి రాజేందర్ కళా రంగంలో మరింత ఉన్నత స్థాయికి ఎదగాలని ఆకాంక్షించారు. జిల్లా గ్రంథాలయా సంస్థ చైర్మన్ సంగనభట్ల దినేష్ మాట్లాడుతూ రాజేందర్ తన శిష్యుడు అని, అయన ఇంత ఉన్నతికి ఎదిగి, ఇంత గొప్ప కార్యక్రమం నిర్వహించుకోవడ అభినందనీయమని అన్నారు. ధర్మపురి మున్సిపల్ చైర్మన్ నాగలక్ష్మి మాట్లాడుతూ జాతీయ స్థాయిలో ప్రతిభ కనబర్చిన పలిగిరి రాజేందర్ మా ధర్మపురి నియోజకవర్గం, మండలం కు చెందిన వ్యక్తి కావడం మాకు గర్వకారణం అన్నారు. తన కళా ప్రస్థానంలో మరిన్ని విజయాలు సాధించి, మరింతగా పేరు ప్రఖ్యాతలు సాధించాలని ఆకాంక్షించారు.

జగిత్యాల మున్సిపల్ మాజీ చైర్మన్ ఆడువాలా జ్యోతి లక్ష్మణ్ మాట్లాడుతూ తెలంగాణ ప్రభుత్వం కవులు, కళాకారులను ప్రోత్సహిస్తూదని గుర్తు చేశారు. జగిత్యాల జిల్లా జానపదం దేశ విదేశాల్లో సైతం మారుమ్రోగడం జగిత్యాల జిల్లాకే గర్వకారణం అన్నారు. ప్రముఖ గాయకుడు పలిగిరి రాజేందర్ తన కళా ప్రస్థానంలో 25 ఏళ్ళు పూర్తి చేసుకోవడం సాధారనా విషయం కాదన్నారు. ఆ కళమ్మ తల్లీ ఆశీస్సులతో కళారంగంలో పలిగిరి రాజేందర్ మరింత ఎదగాలని కోరారు. కార్యక్రమంలో భాగంగా పలిగిరి రాజేందర్ ను పలువురు కళాకారులూ, కళాభిమానులు, సినీ, జానపద కళాకారులూ, రాజేందర్ గురువులు, పుర ప్రముఖులు తదితరులు శాలువాలతో సత్కరించి, పుష్ప గుచ్చం అందించి, మెమొంటో లతో అభినందనలు తెలిపి ఆశీర్వాదాలు అందజేశారు.

 భవిష్యత్ లో తన కళా ప్రస్థానం మరింతగా ఎదగాలని కోరారు. ఈ కార్యక్రమంలో కార్యక్రమ కమిటీ సభ్యులు బోగే అశోక్,(తొలిపొద్దు)కండ్లే అంజి,గుంపుల రమేష్, కూనమల్ల సుమన్, భూక్యా గంగాధర్ నాయక్, నలువల రాము, అమ్మ మధు, చరణ్, అలుగునూరి ప్రదీప్ కుమార్, భోధనపు నటరాజ్, సీనియర్ గాయకులు రచయితలు, కలకారులు ఎస్వి మల్లిక్ తేజ,గడ్డం రమేష్, ఓరుగంటి శేఖర్, అభి, పిఎల్ రెడ్డి, ఇస్లావత్ కమల్, మహిపాల్, సతీష్, సురేష్ నాయక్, మామిడి మౌనిక, దీకొండ శిరీష, స్వరాజ్, సందీప్ రావు తదితరులున్నారు.