గొల్లపెల్లి మండలంలో క్రీడా మైదానం  నిర్మాణ పనులకు ప్రారంభించిన మంత్రి లక్ష్మణ్ కుమార్

(అంకం భూమయ్య): 

గొల్లపల్లి ఆగస్టు 13  (ప్రజా మంటలు): 

గొల్లపెల్లి మండల యువకులు గతకొంతకాలంగా క్రీడా మైదానానికి స్థలం లేక తీవ్రంగా ఇబ్బందులు ఎదుర్కొంటున్న విషయం  మంత్రి  దృష్టికి తీసుకెళ్లగా వెంటనే  స్పందిస్తూ, రెవెన్యూ శాఖ మంత్రి మరియు జిల్లా కలెక్టర్‌లతో చర్చించి, క్రీడా మైదాన నిర్మాణం కోసం ఏడు ఎకరాల భూమిని కేటాయించారు. ప్రొసీడింగ్ పత్రాలను యువకులకు ఇటీవలే అందజేశారు.

బుధవారం క్రీడా మైదానానికి సంబంధించిన నిర్మాణ పనులను రాష్ట్ర ఎస్సీ, ఎస్టీ, మైనారిటీ మరియు వికలాంగుల సంక్షేమ శాఖ మంత్రి అడ్లూరి లక్ష్మణ్ కుమార్  ప్రారంభించారు.
ఈ సందర్భంగా మంత్రి మాట్లాడుతూ, "గ్రామీణ ప్రాంత యువతలో క్రీడా ప్రతిభ ఉంది. వారికి సరైన వేదికలు కల్పించాలనే లక్ష్యంతోనే ఈ మైదానం ఏర్పాటు జరుగుతోంది. భవిష్యత్తులో మరిన్ని అవకాశాలు కల్పించేందుకు ప్రభుత్వం కృషి చేస్తోంది" అని పేర్కొన్నారు.

ఈ కార్యక్రమంలో మార్కెట్ చైర్మన్ భీమసంతోష్ , వైస్ చైర్మన్ పురపాటి రాజిరెడ్డి, మండల కాంగ్రెస్ పార్టీ అధ్యక్షుడు ముస్కు నిశాంత్ రెడ్డి, తాసిల్దార్ మమ్మద్ అబ్దుల్ మజీద్, ఆర్ ఐ అనూష,మండల అధికారులు నాయకులు గురుజల బుచ్చిరెడ్డి, రాపల్లి గంగన్న,చెవుల మద్ది వినోద్, అంకం గణేష్ , క్రీడాకారులు యువకులు ప్రజా ప్రతినిధులు నాయకులు తదితరులు పాల్గొన్నరు.