మాజీ ప్రజా ప్రతినిధులకు క్యాష్ లెస్ వైద్యం అందించాలి - రాజేశం గౌడ్

హైదరాబాద్ అక్టోబర్ 22 (ప్రజా మంటలు):.

మాజీ ప్రజాప్రతినిధులు వయో వృద్ధులు కావడంతో వైద్య అవసరాల సమయంలో ముందుగా నగదు చెల్లించి, తర్వాత రీయింబర్స్‌మెంట్ పొందే ప్రక్రియలో ఇబ్బందులు ఎదురవుతున్నాయని, ఈ సమస్యను పరిష్కరించి, తక్షణమే నగదు రహిత చికిత్స సదుపాయాన్ని అమలు చేయాలని ఫైనాన్స్ శాఖను మాజీ ప్రజాప్రతినిధుల సంఘ నాయకులు కోరారు.

మాజీ మంత్రి, మరియు శాసనమండలి సభ్యుల సంఘం వర్కింగ్ ప్రెసిడెంట్  జి. రాజేశం గౌడ్ , మాజీ మంత్రి మరియు   సెక్రటరీ  సుద్దాల దేవయ్య ,  మాజీ విప్  ఆరెల్లి మోహన్  ఈ రోజు సచివాలయంలో ఫైనాన్స్ సెక్రటరీ  సందీప్ కుమార్ సుల్తాన్ ను, ఆయన చాంబర్లో మర్యాదపూర్వకంగా కలిసి, సమావేశమయ్యారు.

ఈ సందర్భంగా మాజీ శాసనసభ్యులు, మాజీ శాసన మండలి సభ్యులు మరియు ప్రస్తుత ప్రజాప్రతినిధుల ఆరోగ్య భీమా పథకానికి సంబంధించి నగదు రహిత (Cashless) వైద్య సేవలను అందించాలన్న అంశంపై సవివరంగా చర్చించారు.

ఈ పథకం ద్వారా రాష్ట్రంలోని మాజీ శాసనసభ్యులు, మాజీ శాసనమండలి సభ్యులు మరియు ప్రస్తుత ప్రజాప్రతినిధులు సమయానుకూలంగా మెరుగైన వైద్య సేవలు పొందగలుగుతారని, ఇది మానవతా దృక్పథంలో కూడా ఎంతో అవసరమని వర్కింగ్ ప్రెసిడెంట్ జి. రాజేశం గౌడ్  పేర్కొన్నారు.

ఈ సందర్భంగా జి. రాజేశం గౌడ్  ఫైనాన్స్ సెక్రటరీ శ్రీ సందీప్ కుమార్ సుల్తాన్ కు దీపావళి శుభాకాంక్షలు తెలుపుతూ, ఇటీవల ఫైల్ ఆమోదం ఇచ్చినందుకు ధన్యవాదాలు తెలిపారు.

ఫైనాన్స్ సెక్రటరీ  సందీప్ కుమార్ సుల్తాన్ ఈ ప్రతిపాదనపై సానుకూలంగా స్పందిస్తూ, సంబంధిత శాఖలతో సమీక్ష నిర్వహించి తగిన చర్యలు తీసుకుంటామని తెలిపారు.
వార్తగా రాయండి