ఉద్యోగుల ఉపాధ్యాయ పెన్షనర్ల సమస్యలన్నీ వెంటనే పరిష్కరించాలి సెప్టెంబర్ 10న ఛలో హైదరాబాద్ టీజీజెఏసి రాష్ట్ర చైర్మన్ మారం జగదీశ్వర్

జగిత్యాల ఆగస్టు 31 (ప్రజా మంటలు)
  టీజీజెఏసి జగిత్యాల జిల్లా కమిటీ ఆధ్వర్యంలో, జిల్లా చైర్మన్ మిర్యాల నాగేందర్ రెడ్డి మరియు కందుకూరి రవిబాబు  ఆధ్వర్యంలో, టీఎన్జీవో జిల్లా కార్యాలయం నందు ఏర్పాటు చేసిన కార్యవర్గ సమావేశం లో రాష్ట్ర  టి జి ఈ జేఏసీ రాష్ట్ర చైర్మన్  మారం జగదీశ్వర్  ముఖ్య అతిధిగా పాల్గొని ఉద్యోగుల ఉపాధ్యాయుల పెన్షనర్ల పెండింగ్ లో ఉన్న సమస్యలు ప్రభుత్వం మేనిఫెస్టో లో హామీ ఇచ్చిన మేరకు వెంటనే పరిష్కరించాలని డిమాండ్ చేశారు.

ఇటీవలే జేఏసీ ఆధ్వర్యంలో అన్ని జిల్లా కేందాలలో నిర్వహించిన మహా ధర్నా కార్యక్రమాలలో ఉద్యోగులు తమ నిరసన తెలియజేసిన విషయం ప్రస్థావించారు. తదుపరి సిపిఎస్ విధానాన్ని రద్దు చేసి పాత పెన్షన్ విధానం అమలు చేయాలని సెప్టెంబర్ 1వ తేదీన పెన్షన్ విద్రోహదినాన్ని పురస్కరించుకొని జిల్లా కలెక్టర్ సమావేశ మందిర కార్యాలయ ఆవరణలో సిపిఎస్ రద్దు మరియు పెండింగ్ సమస్యల పరిష్కారం కొరకు భోజన విరామ సమయం నందు నల్ల బ్యాడ్జీలతో నిరసన కార్యక్రమం* ఉంటుందన్నారు. 

*సెప్టెంబర్ 10న ఛలో హైదరాబాద్*
 సమస్యల పరిష్కారం కోసం సెప్టెంబర్ 10వ వ తేదీన రాష్ట్ర కమిటీ ఆధ్వర్యంలో హైదరాబాద్ నందు ఏర్పాటు చేయబోయే *చలో హైదరాబాద్* కార్యక్రమానికి జేఏసీ పిలుపునిచ్చిందని, ఇట్టి కార్యక్రమానికి  టి జి ఈ జేఏసీ భాగస్వామ్య సంఘాల జిల్లా అధ్యక్ష కార్యదర్శులు,  జిల్లా కార్యవర్గ సభ్యులు, అన్ని శాఖల అధికారులు, ఉద్యోగులు, ఉపాధ్యాయులు, కార్మికులు, పెన్షనర్లు, కాంట్రాక్ట్, ఔట్సోర్సింగ్ ఉద్యోగులు అధిక సంఖ్యలో ఉద్యమ స్ఫూర్తితో హాజరై జేఏసీ చేపట్టబోయే  ఉద్యమ కార్యాచరణను విజయవంతం చేయాలని కోరారు.

ఉద్యోగుల దీర్ఘకాలంగా పెండింగ్‌లో ఉన్న న్యాయమైన డిమాండ్లను ప్రభుత్వం తక్షణమే పరిష్కరించాలని వారు కోరారు. 

ఇట్టి సమావేశానికి టీఎన్జీఓ జిల్లా కార్యదర్శి ఊకంటి అమరేందర్ రెడ్డి, కో చైర్మన్లు ఎండి వకీల్, పిఆర్టియూ యాల్ల అమరనాథ్ రెడ్డి, బోయినపల్లి ఆనంద్ రావు, ఎస్టియూ భైరం హరికిరణ్, టిఆర్టిఎఫ్ తుంగూరి సురేష్, పెన్షనర్ల సంఘం హరి అశోక్ కుమార్, హన్మంత రెడ్డి, రిటైర్డ్ ఉద్యోగుల సంఘం కారబూజ రవీందర్, కొలిచాల రవీందర్, డీటీఎఫ్ ఎన్నం రాం రెడ్డి, జూనియర్ లెక్చరర్ల సంఘం అతినేని శ్రీనివాస్, గంగా నర్సయ్య, క్లాస్ ఫోర్ సంఘం అరుణ, నారాయణ, టిఎన్జీఓ & టిజిఓ జిల్లా నాయకులు మహమూద్, విజేందర్,  సాహెద్ బాబు, రవీందర్, అశోక్ రాజు,  రాజేందర్, రాములు, రాజేశం, సుగుణాకర్, శ్రీనివాస్ స్వామి, మధుకర్,  సంపత్, సునీత్, హరి ప్రసాద్, శ్రీనివాస్, భువనేశ్వర్, ప్రమోద్, హకీమ్, రాజశేఖర్, విశ్వనాధ్, ఆనంద్, వెంకటరమణ, విశాల్, లక్ష్మీనారాయణ, మహిళా నాయకురాళ్లు శైలజ, శ్రావణి, ఇంద్రజ, విజయలక్ష్మి, సంతోష్, శ్రీనివాస్, సురేందర్ నాయక్, వినోద్, శ్రీకాంత్,  సతీష్, శాంత, ప్రకాశ్, ఉద్యోగులు పాల్గొన్నారు.