మహాభాగ్యనగర బ్రాహ్మణ సేవా సమితి ఆధ్వర్యంలో — బ్రాహ్మణ కార్తీక వనభోజనాలు

హైదరాబాద్‌ నవంబర్ 11(ప్రజా మంటలు)

మహాభాగ్యనగర బ్రాహ్మణ సేవా సమితి ఆధ్వర్యంలో బ్రాహ్మణ కార్తీక వనభోజనాలు ఈ నెల 16-11-2025 (ఆదివారం) ఉదయం 8 గంటలకు
శ్రీ ఆది లక్ష్మీ అలవేలుమంగా సమేత వెంకటేశ్వర స్వామి దేవాలయం, ఫేజ్-9, తుక్కుగూడ, శ్రీశైలం రోడ్, హైదరాబాద్ వద్ద ఘనంగా నిర్వహించబడనున్నాయి.

ఈ సందర్భంగా సమితి అధ్యక్షులు బ్రహ్మశ్రీ మహాదేవభట్ల లక్ష్మణ ప్రసాద్ శర్మ, ప్రధాన కార్యదర్శి బ్ర.శ్రీ యలమంచి రామకృష్ణ శర్మ, మరియు కార్యనిర్వహక కార్యదర్శి బ్ర.శ్రీ యలమంచి చంద్రశేఖర శర్మ ఒక ప్రకటనలో తెలిపారు.

వారు మాట్లాడుతూ — “మహాభాగ్యనగర బ్రాహ్మణ సేవా సమితి గత 19 సంవత్సరాలుగా అనేక ధార్మిక, సామాజిక కార్యక్రమాలను నిర్వహిస్తూ వస్తోందని, అందులో భాగంగా శతచండీ మహాయాగాలు, పేద బ్రాహ్మణ కుటుంబాలకు చేయూత, వేదపండితుల సన్మానాలు, విద్యార్థుల ప్రోత్సాహకాలు, ఉపనయన, ఉపాకర్మ కార్యక్రమాలు వంటి అనేక సేవా కార్యక్రమాలు చేపట్టినట్లు” పేర్కొన్నారు.

అలాగే ప్రతీ సంవత్సరం లాగానే ఈ సంవత్సరం కూడా కార్తీక మాసంలో వనభోజనాలు నిర్వహించడం ద్వారా లోకకళ్యాణార్థం భక్తి భావాన్ని విస్తరించడమే లక్ష్యమని, “కార్తీక మాసంలో వనభోజనాలు మరియు అన్నదానం చేయడం మహా పుణ్యకార్యమని, సమస్త బ్రాహ్మణులు కుటుంబ సమేతంగా పాల్గొని ఆధ్యాత్మిక ఆనందాన్ని పొందాలని” వారు కోరారు.

ఈ సందర్భంగా శ్రీ శారదా చంద్రమౌళీశ్వర స్వామి వారికి మహాన్యాస పూర్వక రుద్రాభిషేకం, భక్తులకు అన్నదానం నిర్వహించబడనుంది.

సంప్రదించవలసిన వారు:

📞 బ్ర.శ్రీ మహాదేవభట్ల లక్ష్మణ ప్రసాద్ శర్మ (అధ్యక్షులు): 9391111203
📞 బ్ర.శ్రీ యలమంచి రామకృష్ణ శర్మ (ప్రధాన కార్యదర్శి): 9246172817
📞 బ్ర.శ్రీ ముదునూరి మహాదేవ శర్మ (కోశాధికారి): 9885499158
📞 బ్ర.శ్రీ యలమంచి చంద్రశేఖర శర్మ (కార్యనిర్వహక కార్యదర్శి): 9441743942

సమస్త బ్రాహ్మణ భక్తులు ఈ కార్యక్రమంలో పాల్గొని ధార్మిక సేవలలో భాగస్వాములు కావాలని సమితి కార్యవర్గం విజ్ఞప్తి చేసింది.