అసోం లోని #Draft: Add Your Titleఉదాల్గురిలో 10,000 మందికి పైగా సంతాల్ విద్యార్థుల ర్యాలీ

గౌహతి అస్సాం నవంబర్ 10:

ఉదాల్గురిలో సోమవారం భారీ ఎత్తున జరిగిన సంతాల్ సమాజ ర్యాలీ రాష్ట్ర రాజకీయాలను కుదిపేసింది. ఆల్ సంతాల్ స్టూడెంట్స్ యూనియన్ (ASSU) ఆధ్వర్యంలో నిర్వహించిన ఈ భారీ నిరసన ప్రదర్శనలో 10,000 మందికి పైగా ప్రజలు, విద్యార్థులు, యువకులు పాల్గొన్నారు.

మోన్పూర్ గ్రౌండ్ నుంచి ప్రారంభమైన ర్యాలీ నగరం అంతా సంతాల్ జాతి సంప్రదాయ నృత్యాలు, డోలు మోగింపు, నినాదాలతో కదిలింది. దేశవ్యాప్తంగా సంతాల్ సమాజం ఇటీవల చేపట్టిన ఉద్యమాలలో ఇదే అతి పెద్దది.

ST హోదా కోసం దశాబ్దాల పోరాటం

ప్రదర్శనలో ప్రధాన డిమాండ్— భారత రాజ్యాంగంలోని ఆర్టికల్ 342 ప్రకారం సంతాల్ కమ్యూనిటీని షెడ్యూల్డ్ ట్రైబ్ (ST) జాబితాలో చేర్చాలి—అనేదే.
“We are Adivasis, Recognise Us Now”, “Justice Delayed is Justice Denied” వంటి నినాదాలతో ప్లకార్డులు ప్రదర్శించారు.

ఇతర కీలక డిమాండ్లు:

సంతాళ్లు ర్యాలీలో ఇతర ప్రధాన సమస్యలను కూడా ప్రభుత్వ దృష్టికి తీసుకువచ్చారు—

• అస్సాం అగ్రికల్చర్ లాండ్ యాక్ట్ 1886 సెక్షన్ 10 ప్రకారం సంతాల్ కుటుంబాలకు భూమి పట్టాలు ఇవ్వాలి
• సంతాల్ కమ్యూనిటీకి ఎథ్నిక్ ఐడెంటిటీ సర్టిఫికేట్లు జారీ చేయాలి
• 2022 త్రిపక్ష ఆదివాసీ శాంతి ఒప్పందం అమలు చేయాలి
• రాష్ట్రంలో ప్రతి ప్రభుత్వ పాఠశాలలో సంతాలి భాష టీచర్ల నియామకం చేపట్టాలి

ప్రభుత్వాలపై నిర్లక్ష్య ఆరోపణలు

ASSU నేతలు జనసమూహాన్ని ఉద్దేశించి మాట్లాడుతూ—
"ప్రభుత్వాలు పదేళ్లుగా మమ్మల్ని మోసం చేశాయి. ప్రతి ఎన్నికలో వాగ్దానాలు ఉంటాయి కానీ అమలు లేదు. ST హోదా మాకు దక్కాల్సిన రాజ్యాంగ హక్కు" అని హెచ్చరించారు.వేదికపై పలువురు విద్యార్థి నాయకుల భావోద్వేగ వ్యాఖ్యలతో జనసంద్రం నినాదాలతో మార్మోగింది.

సాంస్కృతిక ప్రదర్శనలు—పోరాటానికి చిహ్నం

ప్రమాదం లేకుండా కొనసాగిన ఈ ర్యాలీ అంతా సంతాళ్ల పాంపరా వేషధారణ, డోలు వాయిద్యాలు, పాడిపాటలతో అందరినీ ఆకట్టుకుంది. తమ హక్కులు సాధించే వరకు ఉద్యమం కొనసాగుతుందని వారు స్పష్టం చేశారు.